Library · yue

啟示錄 4

天上嘅敬拜

1 此後,我得到另一個異象,睇見天上有開咗嘅門。我初聽見好似吹號嘅聲對我話:「你上嚟呢處,我要指示你以後必發生嘅事。」

2 我即刻被聖靈感動。見天上有一寶座;又有一位坐喺寶座上。

3 佢樣似碧玉同紅寶石噉閃耀。寶座周圍有彩虹圍住,顏色似綠寶石。

4 寶座周圍有二十四座位,坐咗二十四位長老,着住白袍,戴住金冠冕。

5 從寶座中發出閃電、響聲,雷轟。又有七盞點着嘅燈放喺寶座前;呢七盞燈係上帝嘅七靈。

6 寶座前有玻璃海好似水晶噉透明。寶座中同寶座周圍有四生物,前後遍體都長滿眼睛。

7 第一個生物似獅;第二個似牛;第三個樣似人;第四個似鷹。

8 四生物每個都有六隻翼,全身都係眼睛。佢哋日夜唔停話:聖哉!聖哉!聖哉!主一全能嘅上帝,昔在,今在,將來永在!

9 每逢生物將榮耀、尊貴、感謝,歸俾坐喺寶座上、活到永遠嗰位時,

10 二十四位長老就俯伏喺處敬拜坐喺寶座上嗰位活到永遠嘅。又將佢哋嘅冠冕放喺寶座前,話:

11 我哋嘅主,我哋嘅上帝!你係記得榮耀、尊貴,權能嘅。因為你創造萬物;並且萬物因你嘅旨意被創造而有。