Library · hlt

Job 25

25:1 Te phoeiah Shuhi Bildad loh a doo tih, 25:2 “A taemrhai ham neh birhihnah he amah hut ni. Amah kah hmuensang ah rhoepnah a saii. 25:3 A caem taengah hlangmi om nim?. U soah nim amah kah vangnah a hlah pawh. 25:4 Te dongah hlanghing he Pathen taengah metlam a tang thai? Huta kah a sak te metlam a cim eh? 25:5 A mikhmuh ah hla pataeng khaw aa pawt tih aisi khaw a cil moenih. 25:6 Hlanghing aisat a rhit banghui ni, hlang capa khaw talam banghui,” a ti nah.