Psalms 114
114:1 Egypt lamloh Israel, kholong ol cal pilnam lamloh Jakob imkhui ha pai vaengah;
114:2 A hmuencim la Judah, a khohung la Israel a om pah.
114:3 Tuitunli loh a hmuh vaengah rhaelrham tih, Jordan khaw a hnuk la mael.
114:4 Tlang rhoek khaw som rhoek kah tutal rhoek neh, boiva ca bangla na cungpet uh.
114:5 Tuitunli nang te bahamnim na rhaelrham, Jordan long khaw a hnuk la na mael?
114:6 Tlang rhoek khaw som rhoek kah tutal rhoek neh, boiva ca bangla na cungpet uh.
114:7 Diklai nang Boeipa mikhmuh neh, Jakob Pathen mikhmuh ah thuen lah.
114:8 Anih loh lungpang te tuibap tui la, hmailung khaw tuisih tui la a coeng sak.