Library · hlt

Psalms 149

149:1 BOEIPA te thangthen uh. Hlangcim hlangping khuiah amah koehnah laa thai te BOEIPA taengah sa uh. 149:2 Israel loh amah aka saii dongah a kohoe saeh. Zion ca rhoek loh a manghai dongah omngaih uh saeh. 149:3 A ming te lamnah neh, kamrhing neh thangthen uh saeh lamtah, amah te rhotoeng neh tingtoeng saeh. 149:4 BOEIPA tah a pilnam soah a ngaingaih tih kodo rhoek te khangnah neh a cam. 149:5 Hlangcim rhoek thangpomnah dongah sundaep uh saeh lamtah a thingkong dongah tamhoe uh saeh. 149:6 A olrhong dongah Pathen koehnah neh a kut dongah cunghang ha pom uh saeh. 149:7 Namtom soah tawnlohnah, namtu pawt te toelthamnah saii saeh. 149:8 A manghai rhoek te hmaipom neh, a thangpom rhoek te thi hlong neh khoh uh saeh. 149:9 A taengah laitloeknah saii hamla a hlangcim boeih kah a rhuepomnah he daek pah. BOEIPA te thangthen uh.