Library · hlt

Psalms 38

38:1 David kah ngaidamnah Tingtoenglung Aw BOEIPA, na thinhul neh kai n'tluung boel lamtah na kosi neh kai n'toel boeh. 38:2 Na thaltang loh kai dongah sap ha tlaeh tih na kut loh kai n'nan. 38:3 Nang kah kosi dongah ka pum he hlang la om voelpawh. Ka tholh dongah ka rhuh a sading pawh. 38:4 Kai kathaesainah loh ka lu hang khuk tih, kai ham hnophueih bangla a rhih loh n'nan. 38:5 Ka anglat dongah, ka boengha rhong tih rhim coeng. 38:6 Ka ngam paihaeh tangkik hil khohnin yungah kopang neh ka van. 38:7 Ka uen khaw boeih duih tih, ka pum he hlang la om voelpaawh. 38:8 Ka lungmit tih ka paep dongah, lungbuei phoenanah neh mat ka kawk. 38:9 Ka ngaihlihnah boeih he, ka Boeipa namah taengah ka hal tih, ka hueinah he namah taeng lamloh a thuh moenih. 38:10 Ka lungbuei a thimpom tih ka thadueng hnoeng. Te dongah ka mik khaw tueng pawh. 38:11 Ka tlohtat dongah ka lungnah ka paya rhoek loh saisai m'pai tak tih ka huiko khaw a hla lam ni a pai uh coeng. 38:12 Ka hinglu aka mae rhoek loh n'hlaeh tih, kai yoethae puei ham aka tlap rhoek loh a talnah te a thui uh. Te dongah hlangthai palat rhoek loh hnin at puet n'taeng uh. 38:13 Tedae kai tah hnapang bangla ka ya voelpawt tih olmueh loh a ka a ang pawt bangla ka om. 38:14 Te dongah aka ya thai pawt tih a ka ah toelthamnah aka om pawt hlang bangla ka om. 38:15 BOEIPA nang dongah ka hangdang tih nang loh nan doo bitni ka Boeipa ka Pathen aw 38:16 Te dongah, “Ka kho he a paloe vaengah kai n'kohah thil uh tih kai soah pomsang uh ve,” ka ti. 38:17 Cungdonah ham ka tawn uh tih ka nganboh loh kamah taengah om taitu. 38:18 Te dongah kai kathaesainah te ka doek. Kamah kah tholhnah dongah ka mawn. 38:19 Tedae ka thunkha rhoek kah hingnah tah ting tih a honghi dongah ka lunguet loh pungtai. 38:20 Te dongah a then te a thae neh aka thuung rhoek loh kai n'khingkhoek vaengah a then te kamah loh ka vai rhoela ka vai. 38:21 Ka BOEIPA Pathen aw, kai n'hno boel lamtah kai taeng lamkah n'lakhla tak boeh. 38:22 Kai bomkung la ha tawn uh laeh ka loeihnah Boeipa.