Library · hlt

Psalms 75

75:1 Aka mawt ham Asaph kah tingtoenglung “Phae boeh “Laa Pathen namah te kan uem uh. Na ming neh aka yoei loh, namah kah khobaerhambae, a thui uh dongah kan uem uh. 75:2 Khoning ka khuen te khaw, kamah loh vanatnah neh lai ka tloek. 75:3 Diklai neh a khuikah khosa boeih a paci vaengah, tung ka moem. Selah 75:4 Aka yan rhoek khaw yan uh boeh, halang rhoek te na ki pomsang boeh. 75:5 “Na ki a sang la na pomsang tih na rhawn neh mangkhak la cal boeh,” ka ti nah. 75:6 Pomsang ham te khothoeng lamkah khaw, khotlak lamkah khaw, om pawt tih, khosoek lamkah moenih. 75:7 Tedae lai aka tloek Pathen loh, pakhat te a kunyun sak tih, pakhat te a pomsang. 75:8 BOEIPA kut ah boengloeng om tih, misurtui te homtui neh a bae la hom. Tekah te a hawk vaengah, diklai halang boeih loh a ok uh tih, a sampa khaw a caep uh. 75:9 Te dongah kai loh kumhal ah ka doek vetih, Jakob Pathen te ka tingtoeng ni. 75:10 Te vaengah halang rhoek kah a ki boeih te ka rhet pah vetih, aka dueng rhoek kah a ki te a pomsang uh ni.