Library · hlt

SIR 35

35:1 Olkhueng aka tuem long nawnnah muep a khueh, 35:2 Olpaek dongah lu aka thuk loh nawnnah a then a khueh. 35:3 Rhennah koep aka thung loh cangsawt bangla a nawn. 35:4 Doedannah khueh tah uemonah hmueih ni a nawn. 35:5 Halangnah lamloh cue uh he Boepa kolonah la a om. Boethae toengnah he khaw tholh ciimnah la om. 35:6 Boeipa mikhmuh ah kuttling la pumphoe boeh, 35:7 Te tla na nawn boeih te olpaek a soepnah ham ni. 35:8 Hlangdueng kah nawnnah long tah mhueihtuk a men sak, te ni Khohni hmai ah hmuehmuei botui la a pai. 35:9 Hlangduen kah hmueihnah doe koila om, te tah hnilh uh tlaih mah pawh. 35:10 Boeipa na bawk vaengah moeihoeih la om, Na kut dongkah thaihcuek te sihnah boeh. 35:11 Kut doe boeih long he maelhmai a hlampan sak, Parha pakhat te kohoenah ne pae. 35:12 Amah loh nang m'paek bangla Khohni taengah pae, na noeng thai khuiah khaw na tha huel. 35:13 Boeipa tah hlang a thuung la om, Te dongah nang a rhaep parhih hil n'thung ni. 35:14 A kavelh te Boeipa taengah nawn boeh, Te bang te Boeipa loh a doe moenih. 35:15 A huen hno kah hmueih dongah khaw Boeipa tah laitloekkung la om tih, a taengah maelhmai dannah khaw a om moenih. 35:16 Amah loh khodaeng khaw hlaang mahpawh, aka thae kah thangthuinah khaw hnatun mahpawh. 35:17 Cadah kah huithuinah khaw hlapham pawt tih, nuhmai lo kosi a sah te khaw a ngai. 35:18 Anih aka tap rhoek te a cungku hil a rhah bangla 35:19 Nuhmai kah mikphi he a rhawn kung hil ah long mahpawt nim. 35:20 Boeipa kongaih la aka pongtho ni a doe vetih, a thangthuinah long khaw khomai so duela a pha eh. 35:21 Tlayae kah thangthuinah long khomai khaw a muk, a bawtnah a pha hil duem tlai mahpawh. 35:22 Hlangdueng ham tah a tiktam la a saii tih, Laitloeknah a khueh. Hlangrhal loh a ueh pawt bangla 35:23 Boeipa he nguelh ngawn mah pawh. Sathueng satlung rhap a phop hil ngawn tah. Namtom taengah tawnlohnah a thuung vetih thinlen rhaengpuei te a phae hil atah. 35:24 Hlang hing te amaih khoboe tarhing bangla, a poeknah tarhing kah a saii boeih soah khaw a thuung ni. 35:25 A pilnam kah lai te a tloek pah vetih, amah kah rhennah khuiah amih te omngaih la a khueh ni. 35:26 Khokang tue vaengkah khotlan khomai bangla A rhennah he tah ngaihmang tue vaengah aka thoeng la om.