Library · hlt

WIS 6

6:1 Manghai rhoek aw, hnatun lamtah yakming uh laeh, Laitloek rhoek khaw diklai a bawtnah khaw thuep uh laeh. 6:2 Nangmih hlangping aka uk tih, namtom hlangping aka oeknah rhoek na hna kaeng uh lah. 6:3 Na poengnah khaw Boeipa lamkah ni m'paek, Na rhaensang khaw Khohni taeng lamkah ni. 6:4 A ram kah tueihyoeih la na om uh dae, A thuem la na uk uh pawt tih olkhueng khaw na tuem uh pawh. 6:5 Mueirhih loh a cuk thil khungdaeng vetih, hmuensang kah rhoek soah khaw laitloeknah om pueng ni. 6:6 Tlayae rhoek tah rhennah neh tholh a hlah suidae, Aka tlung tah a tlung bangla a khe ni. 6:7 Cungkuem Boeipa tah pakhat taengah khaw tonga pawt tih, hlanglen taengah a tloe la a tueng moenih. A yit a len khaw amah loh a saii tih, vanat la boeih a poek. 6:8 Tedae hlangtlung hamtah a hnotung khaw, khak a cae pueng ni. 6:9 Te dongah nangmih manghai rhoek ka ol hoihaeng lah, Te daengah ni cueinah na ming vetih kho na hmaang pawt eh. 6:10 A hmuencim kah hno cim aka tuem tah hlang cim la om tih, Te te aka poek khuep hlang tah tungaepnah a dang. 6:11 Te dongah ka ol he mah hue uh lah, Te te rhingoel lamtah nangmih n'thuituen bitni. 6:12 Cueinah tah a aa om tih hmuep pawh, Amah aka lungnah long ni te te a yoei la a hue tih, Aka tlap loh a hm uh. 6:13 Anih te aka hue taengah amah tlek a phoe pah 6:14 Yueya aka thoo tih aka tlap ham a khueh ham a kuelka moenih, A mah khaw vongka ngol pai coeng tih. 6:15 A mah aka poek ngaikhoek tah yakmingnah khaw a soep la om, Te te aka hak thil van tah mawntangnah lamloh loeih ni. 6:16 Amah neh aka tingtawk te nih tlap hamla a paan tih, A caehlong ah lunghoih la a phoe pah phoeiah, A poeknah boeih dongah khaw a thoeng pah. 6:17 Thuituennah lunghoih neh ngaihnah he cueinah a kungpuei, Cueinah aka lungnah loh olrhi te khaw a ngaithuen. 6:18 A olkhueng n'tuem he amah n'lungnah la a om. Olkhueng tuemnah he tah aka nguel ngaidipnah la om. 6:19 Aka nguel hno long tah Pathen taengla a yoei sak tih 6:20 Pilnam sokah manghai rhoek aw, 6:21 ngokhoel neh mancai te na ngaih a tah cueihnah te hinyahnah, Te daengah ni kumhal duela na manghai eh. 6:22 Cueinah metla a om tih metla a om ham khaw kan thui eh, Nang taengah olhuep khaw ka phah mah pawh. Suen a tongnah lamloh a rhui te ka thuep vetih, oltak khaw ka poe mahpawh. 6:23 Hlang uet rhoihut nen khaw ka yiin hmaih pawt vetih, uethnetnah he cueihnah nen khaw a rhoinaeng moenih. 6:24 Cueihnah a pungtai he khaw diklai khangnah la om tih, hueltue manghai long tah pilnam a mong sak. 6:25 Te dongah ka ol neh thuituen uh lamtah, Na thaihtak uh bitni.