Job 31
31:1 Ka mit atan thuthlung ka siam a, Engah nge nula ka melh ang?
31:2 Chunga Pathian laka chanvo leh Chungnung ber Engkimtitheia laka rochan tur chu eng nge ni?
31:3 Mi fel lo tana vanduaina leh Khawlohna titute tana chhiatna a ni lo em ni?
31:4 Ka kawngte chu a hmuin Ka ke pen zawng zawng a chhiar lo em ni?
31:5 Dawt lama kal ka nih a, Bumna lama ka ke pen rang thin ka nih chuan.
31:6 (Bukna dik taka tehin awm i la, Ka dikna hi Pathianin a hriatna'n)
31:7 Tin, kawng loa peng ka lo nih a, Ka mithmuh ang maia thinlung pu ka lo nih a, Ka kutah hian kaidum reng a bei phawt chuan,
31:8 Ka tuh chu mi dangin ei mai ang hmiang; Ka chin zawng pawh kar chhuah ni rawh se.
31:9 Ka thinlung hian hmeichhia a it a, Ka thenawm kawngkaah chang te ka nih chuan,
31:10 Ka nupui chuan mi dang sum deng se la, Mi dangte chuan tlawm rawh se.
31:11 Chu chu sual huatthlala tak, Khawlohna, roreltuten an hrem ngei tur chu a ni si a.
31:12 Ral der khawpa kangtu mei a ni bawk a, Ka sum neih zawng zawng pawh a khawrh fai vek dawn a ni.
31:13 Ka chhiahhlawhnu emaw, ka chhiahhlawhpa emaw, Ka chunga an vuivaina thu thlen ka ngaihsak loh luih chuan,
31:14 Pathian a lo thawh hunah eng nge a rawn zawh chian hunah engtin nge ka chhan ang? A rawn zawh chia hunah engtin nge ka chhan ang?
31:15 Pum chhunga kei mi siamtu khan a ni pawh a siam lo em ni? Pum chhunga mi dintu chu thuhmun a ni lo'm ni?
31:16 Tlachhamte duhzawng ka sum bosak a, Hmeithaite bei ka tihdawn a,
31:17 Ka chaw keimah maia ka ei a, Fahrahin a ei ve loh chuan,m
31:18 (A naupan lai atangin pa angin ka chawm lian a, A nu pum atangin ka kaihhruai a ni tawh si)
31:19 Tupawh silhfen loa boral emaw, Rethei intuamhlawmna nei lo emaw hmu ka nih a,
31:20 A kawngin mal mi sawm lo a nih chuan, Ka beram hmual tuam lum a nih loh huan,
31:21 Kawngkaah chuan tanpuitu ka hmuh avanga Fahrah chunga kut lek ka nih chuan,
31:22 Ka kovi hi ka dar saipheng nen phawk hlawk se la, Ka ban hi khingkhangruh atangin thlawn hlauh rawh se
31:23 Pathian lak ata vanduaina chu ka tihzawng tak a ni si a. A ropuina avangi eng ti rual ka ni lo.
31:24 Rangkachak chu ka nghahfaka ka hman a, Rangkachak tha mi chu ka rinchhana ka ngaih a,
31:25 Ka hausakna a nasat avang leh Ka kutin a thawh chhuah nasat avanga lawm ka lo nih a,
31:26 Ni khi a en lai leh Thla kal ruau ruau lam ka hawi a,
31:27 Ka thinlung hi a ruk tea hip bo a nih a, Ka kut pawhin ka ka a hup chuan,
31:28 Chu pawh chu roreltute hrem ngei tur khawlohna a ni a, Chugna Pathian hnena daw ka nih dawn avangin.
31:29 Mi hawtu chhiatna chunga lawm ka nih emaw a, thil tha loin a tlakbuak laia lawm hlut ka nih emaw chuan,
31:30 (A ni, a nunna anchhe lawh khawpa Sual ti turin ka ka phal lo)
31:31 Ka puan ina mite chuan, A buhbala inhnangfak lo tu nge awm? An tih loh chuan,
31:32 (Mikhualte kawtthlerah an riak lo a, Mi zin vakte tan ka kawng ka hawng thin)
31:33 Mite tih dang anga ka bawhchhiatna zep a, Mahni awm chhunga khawlohna thukruin
31:34 Mipui tam takte hlauh avang leh chhungkuate hmusit hlauh vanga Ngawi reng leh leng chhuak ngam lo ka nih chuan -
31:35 Aw, mi bengkhawntu nei teh u la aw! (En teh u, hei ka chhinchhiahna ka dah e, Engkimtitheian mi chhang teh se) Ka khingpuipan mi hekna a ziak chu nei teh i la aw!
31:36 Ka koviah ka pu ang a, Lallukhum angin ka inbel tur a!
31:37 Ka pheikhai zat pawh ka hriilh ang a, Mi lain ni ve angin amah ka pan tur.
31:38 Ka ram chu mi duh loa au chhuak a nih a, A lei rutkhuarte an tap hlawm a nih chuan,
31:39 Man pe loa a rha chhuahte ei ka lo nih a, A neitute nun hlohtir emaw ka lo nih chuan,Buh aiah hling to zawk se la, Tai aiah hlo har to rawh se, Joba thu chu a tawp ta.
31:40 Buh aiah hling to zawk se la, Tai aiah hlo har to rawh se, Joba thu chu a tawp ta.