Job 32
32:1 Tin, he'ng mi pathumte hian Joba chu an chhang zel ta lo a, fel a intih em avangin.
32:2 Tichuan Barakela fapa Elihua, Buz mi, ram thlahho zinga mi chu a thinrim ta em em mai a; Pathian ai maha amah thiam a inchantir avangin Joba chungah chuan a thin arim a ni.
32:3 Joba thian pathumte chungah pawh chuan a thinrim bawk a, Joba chu thiam lo an ti chunga chhan ngaihna an hriat loh avangiin.
32:4 Anni chu a aia upa an nih avangin Elihua chu Joba hnenah thu sawi ve loin a inkhek reng a.
32:5 Tin, Elihua chuan he'ng mi pathumte kaah hian chhanna reng a awm ta lo tih a hriatin a thinur ta hle mai a.
32:6 Tichuan, Barakela fapa Elihua, Buz mi chuan a chhang a, heti hian a ti a: Ka naupang a, nangni in upa a, Chuvang chuan ka tim a, ka ngaihdan pawh ka hrilh ngam lo che u a,
32:7 Khuareiin hril se la, Kum tamin finna zirtir teh se, ka ti a:
32:8 Mahse, mi thil hriat thiamtirtu chu Mihringa thlarau awm, Engkimtitheia thaw chu a ni.
32:9 Kum tam hi an fing chuang lo a, Upaten thudik an hrethiam chuang lo,
32:10 Chuvang chuan mi ngaithla u la, Ka ngaih dan ka han sawi teh ang, ka ti a ni.
32:11 Ngai teh u, in thu ka nghak reng a, Sawi tur in dap thleng khan, In tan danah beng ka lo chhi reng a.
32:12 A ni, ngun takin ka dawngsawng che u a, Ngai rawh u, Joba hnial hneh thei emaw, A thu letthla thei emaw in zingah tumah in awm lo.
32:13 Fimkhur rawh u; 'Fing tak kan tawk a lo ni a, Mihring ni loin, Pathian chauhin a hneh thei ang,' In ti rawk ang e.
32:14 A thuin kei mi la vawm ve lo a, In tih dan ang maiin ka chhang dawn hek lo.
32:15 An inkhap thlu der a, an dan reng hi. Kam khat mah sawi tur an nei ta lo.
32:16 Dang renga dinga an chhan tawh loh avang hian Kei pawhin ka nghak ve reng dawn em ni?
32:17 Keima pualin ka chang ang a, Ka ngaih dan ka han sawi teh ang.
32:18 Thu lah ka ngah hle si a, Chhung lam rilruin mi tur nasa a ni.
32:19 Ngai rawh u, ka thinlung hi uain hu chhuahna nei lo ang a ni a, Uain peng thar angin a puak dawn tep a ni.
32:20 Thuin ka inhri thla dawn e, Ka ka ka ang ang a, ka chang ang.
32:21 Tumah ka zahpah lo mai ang a, Tumah ka fek der hek lo ang.Fak der ka thiam si lo a, Chutilochu, mi Siamtuin mi la bo thuai mai ang.
32:22 Fak der ka thiam si lo a, Chutilochu, mi Siamtuin mi la bo thuai mai ang.