Library · lus

Job 33

33:1 Engpawh ni se, Joba, ka tawng hi ngaithla la, Ka thu zawng zawngah hian beng lo chhi teh. 33:2 Ngai teh, hei ka ka ka ang ta a, ka leiin thu a sawi hi. 33:3 Ka thute chuan ka thinlung ngilzia a tilang a, Ka hmui chuan a thil hriat chu dik takin a sawi dawn e. 33:4 Pathian thlarau chuan mi siam a, Engkimtitheia thaw chuan nunna mi pe. 33:5 I theih chuan mi chhang la, Tan khawh la, ka hmaah hian I thute chu siam rem rawh le, 33:6 Ngai teh, Pathian lam thuah chuan Nangmah ang bawk ka ni a, Hluma siam ve bawk ka ni. 33:7 Ngai teh, kei hi mi hlau suh la, Ka nawr lutuk lo ang che. 33:8 Ka beng hriatah i sawi tawh tak a, I thu ri chu ka lo hre tawh a. 33:9 Ka thiang a ni, bawhchhiatna nei loin; Ka fihlim a ni, khawlohna nei loin; 33:10 I e, ka chungah remchang a dap chhuak a, A hmelmaah mi chhiar a ni; 33:11 Ka keah kawl mi bun a, Ka kalna zawng zawng a chhui chhuak a ni,' i ti a. 33:12 Ngai teh, ka chhang ang che, Hetah hian i fel zo zan lo e; Pathian chu mihring aiin a ropui zawk a ni. 33:13 Thu khat mah a chan loh avangin Engah nge amah i beih le? 33:14 Pathianin kawng khatin thu a sawi thin a, A ni, kawng hnih pawhin, pawisak loh pawh ni se. 33:15 Mumangah, zan inlarnaah chuan Mite tui taka an muthilh a, Khum laizawla an mut chiah chiah laiin, 33:16 Mite beng chu a tihawng a, An thu dawn chu a tinghet a, 33:17 Mihring chu a thiltih thulhtir a, A chapona chu a thupsak theihna'n; 33:18 Ani chu thlana liam loin a vawng a, A nun pawh khandaih laka boral loin. 33:19 A khum laizawlah natnaa thununin a awm a, A ruh zawng zawng na sup supin; 33:20 Tichuan, chaw te ka hua a, Sa tuihmel takte pawha duh lo a. 33:21 A tisa a lo cher deuh deuh a, hmuh tham a ni lo a, Ruh hlir ruh hlir a ni a. 33:22 A ni chuan thihna kotlang a hnaih a, A nun chuan tiboraltute a hnaih tawh a ni. 33:23 Mi hnena a tana tha hriattir turin A tan vantirhkoh, palai pakhat, sang zinga mi awm se la, 33:24 Tin, chu mi chuan amah duhsak takin, Thlana liam loin chhanhimang che, Tlanna ka hmu ta e; 33:25 A taksa hi tleirawl thar leh se la, A vanglai chakna nite chu lo kir leh tawh se,' ti se la; 33:26 Chu mi chu pathian hnenah a tawngtai a, Ani chuan a lo pawm a. A hmel chu hlim takin a hmu ang a, Anin a hnenah felna chu a pe leh ang. 33:27 Mite hmaah hla sain: Ka sual a, thil dik chu ka tikhawlo a, Mahse, mi thungrul lo e: 33:28 Thlana liam lo turin mi chhanhim a, Ka nunin khaw eng a lo hmu ang, a ti a. 33:29 29-30, Ngai rawh, mihringin nunna eng a hmuh theihna'na Thlan ata hrui kir turin Pathianin he'ng thil zawng zawngte hi Mihring hnenah vawi hnih vawi thum a ti a ni. 33:30 29-30, Ngai rawh, mihringin nunna eng a hmuh theihna'na Thlan ata hrui kir turin Pathianin he'ng thil zawng zawngte hi Mihring hnenah vawi hnih vawi thum a ti a ni. 33:31 E, Joba, ngun takin mi ngaithla teh, Lo ngawi la, ka han sawi ang e. 33:32 Sawi tur i neih chuan mi chhang la, Sawi rawh thiam chantir che ka duh a ni;Chuti a nih loh chuan, mi ngaithla rawh, Lo ngawi la, finna ka zirtir ang che. 33:33 Chuti a nih loh chuan, mi ngaithla rawh, Lo ngawi la, finna ka zirtir ang che.