Job 35
35:1 Tin, Elihua chuan a sawi zel a:
35:2 Hei hi dikah i ngai em, Pathian hmaah ka fel a ni,' i tih hi?
35:3 Thil tisual lo i la ka tan that chuanna eng nge awm a, Ka tan hlawkna eng nge awm chuan,' i tihte hi?
35:4 Ka han chhang teh ang che, Nang leh i pawlpuite nen.
35:5 Van lam dak la, en teh, Chhumte khi en la, nang aia a san zawk khi.
35:6 Thil i tihsual pawhin, a tan eng nge pawi? I bawhchhiatna a pun pawhin, a tan eng nge pawi ang?
35:7 I fel pawhin a tan eng nge i hnemhnan? I kut ata eng nge a dawn?
35:8 I suahsualna chuan nang ang mihring chauh a khawih a, I felna chuan mihring fa chauh a khawih thei a ni.
35:9 Hnehchhiahna a tam avangin an rum a, Mi chakte ban avangin chhan ngaiin an au a,
35:10 Mahse, tuma'n, 'Min siamtu Pathian chu khawiah nge, Zana hla min saktirtu,
35:11 Hnuailengte aia min zirtir hnem zawktu, Chunglente aia finga min siamtu chu?' an ti lo.
35:12 Tah chuan an rum a, tuma'n an chhang lo, Mi sualte chapona avangin.
35:13 Pathianin dilna lawilo chu a ngaithla lo ang a, Engkimtitheian a ngaihsak hek lo ang.
35:14 Nang lek phei chu e! 'Amah ka hmu lo e, Thu rel tur chu a hmaah a awm reng a, Amah ka nghak reng e,' i han tih hi:
35:15 Tunah hian, thinrima a rawn hrem mai loh avang leh Uanthuanna a rawn pawisak mai loh avangin,Joba hian a ka a ang mai mai a, Chinchang hre loin a htu a tui tam mai a nih hi.
35:16 Joba hian a ka a ang mai mai a, Chinchang hre loin a htu a tui tam mai a nih hi.