Job 36
36:1 Elihua chuan a sawi zel a:
36:2 Ngawi rih la, ka kawhhmuh ang che; Pathian hmingin sawit ur ka la nei cheu a nia.
36:3 Ka hriatna ka han fawm khawm vak teh ang, Mi siamtu chu felna ka bel dawn a ni.
36:4 Ka thu a daw hauh lo e, Hriatna famkim nei chu i kiangah a awm hi.
36:5 Ngai rawh, Pathian chu chak tak a ni a, Tumah a hmusit mai lo;
36:6 Rilru chaknaah chuan a ropui a ni. Mi suaksual chu a zuah lo a, Hnehchhiate erawh chu dik takin a relsak thin.
36:7 Mi felte chu a ensan lo a, lalthutthlenga lalte kiangah Kumkhuain a thuttir a, chawimawiin an awm zawk thin.
36:8 Kawl bun an lo nih a, Hnehchhiahna hruia phuar an lo nih chuan,
36:9 An thiltih leh an bawhchhiatnate a entir a, An lo chapo tawhziate nen.
36:10 Zirtirna lamah an beng a tivar a, Khawlohna lakah an lamletna'n thu a pe a.
36:11 An pawisaka a rawng an bawl chuan, An nite chu hmuingil takin an hmang ral ang a, An kumte chu nuam takin.
36:12 An pawisak loh erawh chuan khandaihin an boral ang a, Hriatna loin an thi a ng
36:13 Thinlunga Pathian zah lo mite chuan thinur an khawl a, Ama phuar an nih pawhin tanpui dilin an au lo.
36:14 Mi bawlhhlawhte zingah chuan An vanglaiin an thi a.
36:15 Ani chuan hreawm tuartu chu A hreawmna hmangin a ti chhuak a Hnechhiahna hmangin a beng a tivar a.
36:16 A ni, manganna ata chu hmun zau tak, Nekchep lohnaah chuan a hruai chhuak ang chia, I chawhlui chu thauin a khat ang.
36:17 Mahse, nang chu mi suaksualte sawiselnain i khat a, Sawiselna leh rorel dikna chuan a man che a ni.
36:18 Thinur avangin hmusitna rilru i pu dah ang e, Tlanna man nasatzia hian hruai bo che suh se.
36:19 Manganga i awm lohna'n i awka emaw, I thahrui chakna emaw a tawk em ni?
36:20 Zan chu chak suh, mite an hmun ata an boralna hun a ni e.
36:21 Fimkhur la, khawlohna lam hawi suh, Hei hi hreawm tuar aia i thlan a ni si.
36:22 Ngai rawh, Pathian chuan a theihnain zo takin a ti a ni; Tunge amah ang zirtirtu awm?
36:23 Tunge a tih dan tur ruatsak? Tunge, 'I ti dik lo, ti thei?
36:24 A hnathawh tiropui turin hre reng rawh, Miten zaia an chawi thina chu.
36:25 Mi tinin chu chu an en a, Miten hla tak atangin an thlir a.
36:26 Ngai rawh, Pathian chu a ropui e, kan lo hre lo pawh a: A kum zatte chu zawn chhuah rual a ni lo.
36:27 Tui mal far te te chu a hip chho a, Tui hua intifimin ruahah a chang a,
36:28 Vanin a surtir a, Mihring chungah a tla buan buan thin.
36:29 A ni, chhum tai darh dante hi mirhingin a hre thei em ni? A buk zar ri dur durte hi?
36:30 Ngai teh, a velah a eng a theh darh a, Tuifinriat mawngte a khuh a.
36:31 Heng hian mite thu a relsak a, Ei tur tam takin a pe a.
36:32 Kawlphein akutte chua khuh a, A tum tak fuh turin a tir thin a.Khawpui ri chuan a chungchang a puang a, Ran rualte pawhin thlipui lo thawkah chuan an puang a.
36:33 Khawpui ri chuan a chungchang a puang a, Ran rualte pawhin thlipui lo thawkah chuan an puang a.