Library · lus

Job 40

40:1 Tin, LALPA chuan Joba hnenah a sawi zel a: 40:2 Sawiseltu chuan Engkimtithei chu a hnial ang maw? Pathian hnialtu chuan chhang ang hmiang! Tiin. 40:3 Tichuan, Joban LALPA chu a chhang a: 40:4 Ngai teh, kei mi pawimawh tham lo te hian Engtin nge ka chan ang che? Ka ka ka hup mai a ni. 40:5 Vawi khat ka sawi tawh a, ka chhang tawh lo ang che; A ni, vawihnih; ka chhunzawm tawh lo ang,' a ti a. 40:6 Tin, LALPA chuan Joba chu thawngaleivir atangin heti hian a chhang a: 40:7 Mipa takin i puan veng la, Thu ka zawt ang chia, mi hrilh ang che. 40:8 Ka thurelte mi sutsak dawn em ni? Thiam i chan theihna'n, Thiam loh mi chantir dawn em ni? 40:9 Pathian ban ang i nei em ni? Amah angin khawpui ri aw i chhuah thei em ni? 40:10 Lalna leh zahawmna han inbel la, Chawimawina leh ropuinain inthuam rawh khai. 40:11 I thinrimna khat liam chu leih chhuak la, Mi chapo apiang chu en bikin titlawm teh khai. 40:12 Mi chapo apiang chu en bikin tihniam la, Mi suaksualte chu an dinhmunah rep bet rawh le. 40:13 Vaivutah phumhlawm la, Hmun biruah an hmelte phuar khawm teh le. 40:14 Tichuan, i kut dinglam ngeiin a chhanhim thei che tih Kei ngei hian ka hria ang chu. 40:15 En teh, nangmah ang bawka Behemoth ka siam hi, Bawng anga hnim ring mi a ni. 40:16 Ngai teh mah, a chakna chu a kawngah a awm a, A thahrui chu a udl thuara awm a ni. 40:17 Sidar angin a mei a tikhauh a, A malpui thate chu a phiar tlat mai. 40:18 A ruhte chu ngen kawrawng ang a ni a, A fuke chu thir tlawn ang a ni. 40:19 Pathian siam u ber a ni a, A siamtu chuan a tan khandaih a siamsak a. 40:20 Tlangte chuan chaw an chhuahsak thin a, Chu chu ramsa zawng anwg tualchaina a ni. 40:21 Lotus buk hnuaiahte a bawk a, Pumphir hnuai leh dumahte pawh, 40:22 Lotus buk chuan a zar hlim a, Luia tuipuisuthlah chuan a hual vel a. 40:23 Ngai rawh, tui a lo len buan buan pawhin a hlau ngai lo: A ka thleng pawhin Jordan lian mah se, a zuam zel..A inralrin laiin miin an man thei em ni? A hnarah an thil thei ang em ni. 40:24 A inralrin laiin miin an man thei em ni? A hnarah an thil thei ang em ni.