Psalms 105
105:1 Aw LALPA hnenah lawm thi hril u la, a hming lam rawh u; Mi tin, zingah chuan a thiltihte chu hriattir rawh u.
105:2 Amah chawimawiin hla sa u la, amah fakin zai rawh u; A thilmak tih zawng zawng thu chu titi rawh u.
105:3 A hming thianghlim chu chuang rawh u. LALPA zawngtute thinlung chi hlim rawh se.
105:4 LALPA leh a chakna chu zawng u la; A hmel chu zawng fo rawh u.
105:5 ,6 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorel chuakte chu.
105:6 ,5 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorel chuakte chu.
105:7 Ani chu LALPA kan Pathian chu a ni a: A rorelte chu lei chung zawng zawngah hian a awm.
105:8 A thuthlun chu kumkhuain a hre thin a, Chhuan sangkhat thlenga a thu lo pek chu;
105:9 Abrahama hnena a thuthlun leh, Isaaka hnena a chhechham chu;
105:10 Chu vek chu thuriat atan Jakoba hnenah a tinghet a, Israela hnena kumkhaw thungthlung atan:
105:11 "Kanaan ram hi ka pe ang che, I ro chanpual tur chu," tiin:
105:12 Mi tlemte chauh an nih lai kha; A ni, tlemte mai, chu mi ramah chuan mikhual an ni nghal si a:
105:13 Hnam hrang hrang hnenah an kal lawr an kal lawr a. Ram hrang hang atangin mi hrang hrangte hnenah
105:14 Tuma hnehchhiah a phal lo va: A ni, anmahni avangin lalte pawh a zilhhau a;
105:15 "Ka hriak thihate chu tawk suh u la, Ka zawlneite pawi reng reng pawh khawih suh u," tiin.
105:16 Chu mi rama tla turin tam a ko a; Ei tur reng reng a awm lohtir ta a.
105:17 An hmaah mi a tir a; Josefa chu chhiahhlawh atan hralhin a awm a:
105:18 A kete chu kawlin a tina a; Thir khaidiat bunin a awm ta a:
105:19 A thu a thlen h ma loh chuan; LALPA thuin amah chu a fiah thin a.
105:20 Lalber chuan mi a tir a, a phelh a, A chauh ta a, mi tin, roreltu ngei chuan.
105:21 A chhungte chunga hotuah leh, A sum zawng zawng chunga roreltuah a siam a:
105:22 A mi liante chu a duh duha phur tur leh, A upaho tifing turin.
105:23 Israela pawh chu Aiguipta ramah a kal a; Jakoba chu Hama ramah chuan a awm ta rih a.
105:24 A mite chu nasa takin a tipung a, Anmahni dotute aiin a tichak ta zawk a.
105:25 A mite haw turin an thinlung a lamlettir a, A chhiahhlawhte chunga vervek taka ti turin.
105:26 A chhiahhlawh Mosia chu a tir a, A mi thlan Arona nen.
105:27 Anni chuan a chhinchhiahnate chu an zingah an entir a, Hama ramah chuan thilmakte an entir a.
105:28 Ani chuan thim a tir a, a tithim ta a; Tichuan a thute chu an hnial ta lo a.
105:29 An tuite chu thisenah a chantir a, An sanghate chu a tihlum ta a.
105:30 An ram chu chunguin a khat ta a, An lalte pindanah lam pawh.
105:31 Ani chuan thu a sawi a, tichuan tho tam tak a lo kal a, Hrik pawh an ram chhung zawng zawngah a lo kal bawk a.
105:32 An hnenah ruah aiah rial a pe a, An ramah chuan mei alh zawk zawk a pe ta bawk a.
105:33 An grep hruite leh an theipui kungte a tithi a; An rama thingte chu a titliak ta bawk a.
105:34 Ani chuan thu a sawi a, tichuan khaukhuapte an lo kal a, Pangangte nen, chhiar sen rual loh mai hian.
105:35 Chunge chuan an rama thlai tinrenget chu an ei zoa, An lei rahte pawh an ei zo ta bawk a.
105:36 An rama fa tir awm zawng zawng a tihlum a, An chakna zawng zawng rah hmasa berte chu.
105:37 Tichuan, tangka leh rangkachak nen a hruai chhuak ta a: Anma hnamte zingah chuan mi chak lo pakhat mah an awm lo.
105:38 An chhuah lai chuan Aigupta-ho chu an lawm a: Anni chu an lo hlauh tak avangin.
105:39 Ani chuan hliahtu atan chhum a zamtir a, Zana en turin mei a pe bawk a.
105:40 An dil a, tichuan vahmim a rawn hruai a, Van chawin anmahni a titlai ta a.
105:41 Lungpui chu a hawng a, tichuan tui a lo chhuak dur dur a, Hmun rovahte chuan lui ang mai hian a luang ta a.
105:42 A thu thianghlim kha a hre reng si a, A chhiahhlawh Abrahama nen khan.
105:43 Tichuan, a mite chu hlim takin a hruai chhuak ta a, A mi thlante chu hla sa chung zelin.
105:44 Tin, hnam tin ramte chu a peksak a; Anni chuan mi tin, thawh chhuak sa chu an luah ta a;A thuruatte chu an zawm theih a, A dante chu an vawn that theihna'n. LALPA chu fak rawh u.
105:45 A thuruatte chu an zawm theih a, A dante chu an vawn that theihna'n. LALPA chu fak rawh u.