Psalms 106
106:1 LALPA chu fak rawh u. Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a.
106:2 Tunge LALPA thiltih ropui takte chu sawi thei a, A fakna zawng zawng hriattir vek thei le?
106:3 rorelna vawng thate chu an eng a thawl e, Englai pawha fel taka titu nen.
106:4 Aw LALPA, i mite i duhsaknain mi hre reng la, Aw, i chhandamna nen mi kan ang che:
106:5 I mi thlante nihlawhna ka hmuh theih a, I rochanho nena ka chhuan theihna'n.
106:6 Min thlahtute nen khan thil kan tisual a, Thil sual kan ti a, sual takin kan ti ta a.
106:7 Min thlahtute khan Aigupta rama i thilmak tihte kha an hre thiam lo a; I ngilneihna nasa tak kha an hre reng ta lo va: Tuifinriatah an hel ta zawk a, Tuifinriat Senah khan.
106:8 Chuti chung pawhin ama hming avangin anni chu a chhandam ta a, A thiltihtheihna ropui tak chu a hriattir theihna turin.
106:9 Tuifinriat Sen chu a zilhhau a, tichuan a kang ta a: Chutichuan anni chu thlalerah hruai tlang ang maiin tui thuk takahte chuan a hruai tlang ta a.
106:10 Anmahni hawtu kut ata chu a chhandam a, Hmelma kut ata chu a tlan ta a.
106:11 Tuite chuan anmahni dotute chu a khuh zo a, Pakhat mah dama chhuak an awm ta lo a.
106:12 Chu mi lai chuan a thute chu an ring a; A fakna hla an sa a.
106:13 Nimahsela a thiltihte ch an theihnghilh ta thuai a; A remruat chu an nghak peih lo va:
106:14 Thlalerah chuan thil an chak em em a, Ram rovah chuan Pathian an fiah ta zawk a.
106:15 An thil dil chu a pe a; Nimahsela an nunnaah chan cherna aluhtir ta a.
106:16 An riahhmunah chuan Mosia chu an itsik a, LALPA mi thianghlim Arona nen.
106:17 Lei chu a ang a, Dathana chu a lem a, Abirama pawlte chu a khuh zo ta a.
106:18 An pawl zingah chuan mei tihalhin a lo awm a; Meialh chuan mi suaksualte chu a kang ral ta.
106:19 Horeb tlangah chuan bawng no lem an sima a, A lem chhun chu an be ta a.
106:20 Chutiang chuan an ropuina chu Bawngpa hlobet ei mi ang lekah an chantir ta a.
106:21 Pathian an chhandamtu an theihnghilh ta a, Aiguta rama thil ropui tak tak
106:22 (Hana ramah thilmak takte, Tuifinriat Sen kamah thil rapthlak takte) titu chu.
106:23 Chuvangin, a tiboral dah ang e, ti-a, a thinrim tikir turin, A mi thlan Mosia ch aluhna turah chuan a hmaah ding lo phei se la chuan, A tiboral ang tih a sawi a.
106:24 A ni, ram duhawm tak chu an ngainep a, A thu chu an ring duh lo a;
106:25 An puan inahte chuan an phunnawi ta zawk a, LALPA aw chu an ngaithla duh lo a.
106:26 Chuvangin an lamah chuan a kut a phar a, Anniho chu thlaleraa tihtlukna tur leh,
106:27 An chi thlah turte chu hnam tin zinga a tihtluk a, Ram tina a tihdarhna turin.
106:28 Baal-peora lamah chuan an bet a, Mitthi hnena thilhlante chu an ei ve ta a. Tichuan hri chu an chungah alo leng ta a.
106:29 Chutiang chuan an thiltihtein ani chu an tithinur a, Tichuan hri chu an chungah a lo leng ta a.
106:30 Chu mi lai chuan Phinehasa chu a ding a, ro a rel a: Tichuan hri chu tihrehin a awm ta a.
106:31 Chu chu a felnaa ruat a ni, Kumkhuain chhuan zawng zawng thlengin.
106:32 Meriba tuiahte pawh chuan ani chu an tithinur a, Chutichuan anmahni avangin Mosia chungah thil tha lo a thleng ta hial a:
106:33 A thlarau chunga an hel a, A hmuia tha lo taka a sawi avangin.
106:34 LALPA'n an hnena tihboral thu a pek angin Mipuihote ch an tiboral lo a.
106:35 Hnam tin chu an pawlh a, An thiltihte chu an zir zawk a.
106:36 An milem rawngte an bawl a; Chung chu an tant hang a lo ni ta a.
106:37 A ni, ramhuai hnenahte chan an fapate an fanutein an inthawi a,
106:38 Thisen sawiselbo, an fapate leh an fanute thisen ngei chu an chauh ta a. Chungho chu Kanaan ram milemte hnenah an inthawi a; Chu mi ram chu thisenin a lo bawlhhlawh ta a.
106:39 Chutiang chuan an hnathawhtea tihbawrhbanin an awm a, An thiltihahte chuan an lo uire ta a.
106:40 Chuvangin LALPA thin chu a mite chungah a thawk a, A rochan chu a ten ta a.
106:41 Tichuan anni chu hnam tin kutah a pe a; Anmahni hawtute chuan an chungah ro an rel ta a.
106:42 Anmahni dotuten an hnehchhiah a, An kut hnuaiah chuan tihtlawmin an awm ta a.
106:43 Vawi tam tak anni chu a chhanhim a; Nimahsela a remruatnaah chuan an hel thin a, An khawlohnaah chuan tihhniamin an awm ta a.
106:44 Chuti chung pawhin ani chuan, an au thawm a hriat chuan, An mangang chu a ngaihsak a:
106:45 A thuthlun chu anmahni a hriatsak reng a, A ngilneihna nasat avangin a rilru a lamlet ta a.
106:46 Sala hruaitu zawng zawngte chu Anmahni a khawngaihtir a.
106:47 Aw LALPA kan Pathian, min chhandam la, Hnam tin zing ata min hruai khawm ang che, I hming thianghlim chu fak tur leh I fakna chhuang turin.LALPA, Israel-ho Pathian chu, fakin awm rawh se, Chatuan ata chatuan thleng pawhin. Mi zawng zawng chuan, "Amen," ti rawh se. LALPA chu fak rawh u.
106:48 LALPA, Israel-ho Pathian chu, fakin awm rawh se, Chatuan ata chatuan thleng pawhin. Mi zawng zawng chuan, "Amen," ti rawh se. LALPA chu fak rawh u.