Library · lus

Psalms 107

107:1 Aw, LALPA hnenah lawm thu hril rawh u; ani chu a tha si a: A ngilneihna pawh kumkhuain a awm dawn si a. 107:2 LALPA mi tlante chuan chutiang chu sawi rawh se, Dotu kut ata a tlan, 107:3 Ram tin, ata a hruai khawm, Chhak leh thlang, chhim leh hmar atate chuan. 107:4 Thlalera ram ro kawngah chuan an vak an vak a; Mihring awmna khua reng reng an hmu lo a. 107:5 Riltam leh tuihalin An nunna hchu an kawchhungah a chau ta a. 107:6 Chu veleh an buainaah chuan LALPA chu an au a, Ani chuan an manganna atate chu a chhanhim a. 107:7 Mihring awmna khuaa na kal theihna'n Kawng ngil takah a hruai ta a. 107:8 Aw, mihringte hian LALPA chu a ngilneihna avang leh, Mihring fate chunga a thilmak tihte avang hian fak teh se la aw! 107:9 Ani chuan nuna thil chak em em chu a titlain, Nunna riltam chu thatnain a tipuar si thin a. 107:10 Thim hnuaiah leh thihna hlima thua, Hrehawmna leh thira phuarte chu; 107:11 Pathian thu chungahte an hel a, Chungnungbera remruat chu an ngaihnepa vnagin: 107:12 Ani chuan an thinlung chu thawhrimnain ahmin ta a; An tlu a, tanpuitu tur reng reng an awm si lo a, 107:13 Chu veleh an buainaah chuan LALPA chu an au a, Ani chuan an manganna atate chu a chhandam a. 107:14 Thim hnuai ata leh thihna hli ata chu a hruai chhuak a, An phuarnate chu a tichat ta a. 107:15 Aw, mihringte hian LALPA chu a ngilneihna avang leh, Mihring fate chunga a thilmak tihte avang hian fak teh se la aw! 107:16 Ani chuan dar kawngkharte chu a tichhia a, A kalhna thir tlawnte chu a tibung ta si a. 107:17 Mi ate chu an bawhchhiatna avang leh, An khawlohnate avangin an intihreawm thin a. 107:18 An nunna chuan ei tur tinreng hi a ten a; Thihna kulh kawngkharte chu an hnaih thin a. 107:19 Chu veleh an buainaah chuan LALPA chu an au a, Ani chuan an manganna atate chu a chhandam thin. 107:20 A thu chu a tir chhuak a, anni chu a tidam thin a, An boralna tur atate chu a chhandam thin. 107:21 Aw, mihringte hian LALPA chu a ngilneihna avang leh, Mihring fate chunga a t hilmak tihte avang hian fak teh se la aw! 107:22 Anni chu lawm thu sawi inthawinate chu hlan se la, A thiltihte chu hla sain hril rawh se. 107:23 Tuifinriatah lawng liana zuk kal a, Tui zau tak chungte hnathawk thinte chuan; 107:24 Chungte chuan LALPA thiltihte leh, Tui thuk taka a thilmak tihte chu an hmu thin. 107:25 Ani chuan thu a pe a, thlipui a tlehtir a, Chu chuan a tuifawnte ch a tisang thin. 107:26 Vanah an chho tual tual a, thuk takah an chhuk leh tual tual thin a: Manganna avangin an nunna chu a tuiral thin. 107:27 Zu rui angin an thle an thle a, an pei thlawk thlawk a, Awm ngaihna reng reng an hre thin lo. 107:28 Chu veleh an buainaah chuan LALPA chu an au a, Ani chuan an manganna atate chu a hruai chhuak thin. 107:29 Thlipui chu a tibang thuap a, Chutichuan a tuifawnte a reh thup thin. 107:30 Tin, a reh tak avangin an lawm thin a; Ani chuan an ngaih tak thli upah chuan a hruai thleng thin. 107:31 Aw, mihringte hian LALPA chu a ngilneihna avang leh, Mihirng fate chunga a t hilmak tihte avang hian fak teh se la aw; 107:32 Anni chuan mite inkhawmnaah amah chu fak se la, Upaho thutnaah chuan fak rawh se. 107:33 Ani chuan luipuite chu thlalerah a chantir thin a, Tuihnate chu lei rovah a chantir bawk thin. 107:34 Ram tha chu ram ro alah a chantir thin, A chhunga awmho suahsual avangin. 107:35 Thlaler chu dilah a chantir thin a, Ram ro chu tuihnaahte a chantir bawk thin. 107:36 Chutah chuan riltamte chu a awmtir thin, Awmna tur khua an buatsaih a, 107:37 Lote an neih a, grep huante an siam a, A rah lo pungte chu an hmuh theihna turin. 107:38 Anni chu mal a samw thin a, chutichuan nasa taka tihpunin an awm a; An rante chu a hmuh a phal thin lo a. 107:39 Tin, hnehchhiahna te, hrehawmna te lungngaihna te avangin, An hmuih ta telh telh a, an kun ta tlawk tlawk thung a. 107:40 Ani chuan mi liante chungah hmusitna a leihbaw thin a, Thlaler, kawng reng reng awm lohnaah chuan a vah a vahtir a. 107:41 Nimahsela retheite chu hrehawmna atangin hmun sangah a hlang thin a, Ran rual angin chhungte a siamsak thin. 107:42 Mi dik takte chuan chu chu an hmu ang a, an lawm ang; Khawlohna zawng zawng chuan a ka a hup ang.Tupawh fing apiangin chungte chu an vawng tha ang a, LALPA ngilneihnate an ngaihtuah ang. 107:43 Tupawh fing apiangin chungte chu an vawng tha ang a, LALPA ngilneihnate an ngaihtuah ang.