Psalms 3
3:1 LALPA, mi dotute hi an va pung ta em! Mi beitute hi tam tak an ni.
3:2 Ka chungchang thu an sawi a, "Pathianin a pui lo ang" an ti a. (Selah)
3:3 Nimahsela, aw LALPA, nang chu ka velin ka phaw i ni a; Ka ropuina leh ka lu dawm kangtu i ni e.
3:4 Ka awin LALPA chu ka au a, A tlang thianghlim atangin mi chhang thin a. (Selah)
3:5 Kei zawng ka mu chu ka lo muhil ta a; Ka han harh leh a; LALPA chuan mi lo chelh reng thin a ni.
3:6 Mi doa, mi hual veltu, Mi singkhat pawh hi ka hlau lo ang.
3:7 Aw LALPA, tho la; aw ka Pathian, mi chhandam rawh; Mi dotute zawng zawng chu an biang ruhah i vaw si a; Mi suaksualte ha chu i tibal a.Chhandamna hi LALPA ta ni: I malsawmna chu i mite chungah awm rawh se. (Selah)
3:8 Chhandamna hi LALPA ta ni: I malsawmna chu i mite chungah awm rawh se. (Selah)