Psalms 4
4:1 Aw ka felna Pathian, ka koh hun che chuan mi chhang ang che;Ka manganin nangin mi tithawveng thin a: Mi khawngaih la, ka tawngtaina hi mi ngaihthlaksak ang che.
4:2 Aw mihring fate u, ka ropuina hi eng chen nge mualphonaa in chantir dawn?: Eng chen nge thil engmah lo hi in ngainat ang a, dawt thu in zawn dawn? (Selah)
4:3 LALPA chuan Pathian ngaihsak mi chu ama tan a dah hrang tih hi hre zawk rawh u: LALPA chuan, ka koh apiangin a lo ngaithla ang.
4:4 Hlau u la, thil tisual suh u: In khumlaizawlah chuan in thinlungah inngaithuah ula, ngawi thiap rawh u (Selah)
4:5 Felna inthawinate chu hlan u la LALPA chu ring rawh u.
4:6 "thatna reng reng tuin nge mi hmuhtir ta ang le?" titute chu tam tak an awm. LALPA, nang ngeiin i hmel eng khan min han en ang che.
4:7 An buh leh an uain lo hlawk changa an lawmna aia, Lawmna nasa zawk ka thinlungah hian i awmtir a.Thlamuang takin ka mu ang a, ka muhil bawk ang: LALPA, nangmah ngei hi a ni, mahni chauh pawha him taka mi awmtir thin hi ni.
4:8 Thlamuang takin ka mu ang a, ka muhil bawk ang: LALPA, nangmah ngei hi a ni, mahni chauh pawha him taka mi awmtir thin hi ni.