Library · lus

Psalms 36

36:1 Mi suaksual bawhchhiatna chan ka thinlung chhungah hian thu a sawi a, "A mithmuhah Pathian hlauhna reng a awm lo," tiin. 36:2 "Ka khawlohna an hmu chhuak lo ang, an haw hlei lo ang e," tiin. Mahni mithmuhah mahni vek a infak chawp si thin a. 36:3 A kaa thu chhuakte chu sualna leh bumna thu hlir a ni thin a: Finvar leh thil tha tih a bang ta a. 36:4 A khumlaizawlah chuan thil sual a suangtuah thin a; Kawng tha loah chuan akal lui a; Sualna chu a ten lo. 36:5 Aw, LALPA, i ngailneihna chu vanahte kihian a awm a; I rinawmna chuan van dumte khi a tawng a ni. 36:6 I felna chu Pathian tlangte ang ani a; I rorelte chu tui thuk zau tak ang a ni: Aw LALPA, mihring leh sa i humhim thin. 36:7 Aw Pathian, i ngilneihna chu a va hlu em! Mihring fate chuan i thla hnuai an chuh thin. 36:8 Anni chu i in chhung htil thain an tlai em em ang a; I lawmna luia mi chu i intir bawk ang. 36:9 Nunna tuikhur ch i hnenah a awm si a: I engah chuan eng kan la hmu ang. 36:10 Aw, nangmah hretute chungah chuan i ngilneihna chu lantir zel la; Thnlung dik tak pute chungah pawh i felna chu lantir zel ang che. 36:11 Chapo ke chu mi bei turin ka lamah pen suh se la. Mi suaksual kut pawhin mi hnawt bo suh se.Sawtah sawn thil tisualtute chu an tlu reng a: Nam thluk an ni a, an tho thei tawh lo ang. 36:12 Sawtah sawn thil tisualtute chu an tlu reng a: Nam thluk an ni a, an tho thei tawh lo ang.