Library · lus

Psalms 37

37:1 thil tha lo titute avangin intilungngai duh suh la. Fel lo taka tite chu awt hek suh. 37:2 Hlobet angin ah thlukin an awm thuai ang a, Hnim hring angin an la vuai dawn si a. 37:3 Lalpa chu ring la, thil tha ti rawh; He ramah hian awm la, rinawmna um zel rawh. 37:4 LALPA chungah chuan lawm bawk rawh; Tichuan i thinung duhzawngte chu a pe ang che. 37:5 I awm dan tur chu LALPA chungah nghat la; Amah chu ring la, aman a ti vek ang. 37:6 I felzia chu eng angin a chhuahtir ang a, I thiam chanzia pawh chhun lai ang maiin. 37:7 LALPA-ah chuan chawl la, amah chu nghak fan fan rawh; A awm dana vanneihna dawngtu avangin intilungngai duh suh, Ngaihtuahna sualte puitlintu avang chuan. 37:8 Thinur hi bansan la, thnrim hi sim rawh. Intilungngai duh suh - thil tihsualah a lo tlak mai thin a ni. 37:9 thil tha lo titute chu tihboralin an awm dawn si a: LALPA nghaktute erawh chuan ram hi an luah ang. 37:10 Rei lote achinah mi suaksual chu a awm tawh dawn si lo: A ni, a awmna hmun chu en en mah la, a awm tawh lo ang. 37:11 Thuhnuairawlhte erawh chuan ram hi an luah ang a: Remna chenin an hmuingil ang. 37:12 Mi suaksual chuan mi fel aphiar a, A ha a thial khum thin. 37:13 Lalpa chuan ani chu anuihsan ang: A ni alo thleng dawn tih a hriat avangin. 37:14 Rethei leh pachhiate tithlu tur leh Awm dan dikte tihlum turin. Mi suaksualte chuan khandaih an phawi a, an thal ngul an kuai bawk a. 37:15 An khandaih chuan anmahni thinlung chu a chhun ang a, An thla ngulte chu tihtliahin a awm bawk ang. 37:16 Mi fel thil tlemte neih chu Mi suaksual tam tak thil neih rei rui te ai chuan a tha zawk a ni. 37:17 Mi suaksual bante chu tihtliahin a awm dawn si a: Mi fel erawh chu LALPA'n a chelh reng thin. 37:18 LALPA chuan mi tha famkim nite chu a hria a: An rochun tur chu kumkhuaa awm reng tur a ni. 37:19 Hun tha loah an mualpho lo ang a; Tam kumahte pawh an puar ang. 37:20 Mi suaksualte erawh chu an boral ang a, LALPA dotue pawh phul hnim duah ang an ni ang: Tihboralin an awm ang a, meikhuah an zam ral ang. 37:21 Mi suaksual chuan a puk a, ape leh thin lo va: Mi fel erawh chuan mi a khawngaih a, a pe zawk thin. 37:22 A malsawmna dawngtute chuan ram hi an luah dan a, A anchhelawh dawngtue ch utihgboralin an awm dawn a ni. 37:23 LALPA chuan an kalna turah a hruai thin a, A duhzawng titute ch a veng thin. 37:24 Tlu mah se la, an tlu hlen lo ang: LALPA'n a kutin a chelh reng si a. 37:25 Naupang ka lo ni tawh a, tunah tar ka lo ni ta a, Nimahsela mi fel chu kalsana a awm ka hmu ngai lo a, A thlahte chaw khawn pawh ka hmu ngai hek lo. 37:26 Nilengin mi a khawngaih a, a puktir thin a; A thlahte pawh an eng a thawl thin. 37:27 Sual kalsan la, thil tha ti rawh; Tichuan kumkhuain cheng reng ang che. 37:28 LALPA chuan rorelna fel a ngaina si a, A mi thianghlimte chu a kalsan ngai lo; Kumkhua atan vawn thatin an awm a: Mi suaksual thlahte erawh chu tihboralin an awm ang. 37:29 Mi felte chuan ram hi an luah ang a, A chhungah hian kumkhuain an awm ang. 37:30 Mi fel ka chuan finna thu a sawi thin a, A lei chuan rorel felna thu a sawi bawk thin. 37:31 A Pathian dan chu a thinlungah a awm a; A pensan ngai lo. 37:32 Mi suaksual chuan mi fel chu a en thla a, Tihhlum a tum thin. 37:33 LALPA'n ani chua kutah a kalsan lo ang a, A ro an rel hunah chuan thiam loh chantir a phal hek lo ang. 37:34 LALPA chu nghak la, a kawng chu zawh rawh. Tichuan ram hi luah turin a chawimawi ang che: 37:35 Mi suaksualte tihborala an awm lai chu i la hmu ang. Mi suaksual chu nasa taka thu neia, A tona hmuna thing chawr duah hluah anga a tawi bum lai ka hmu a. 37:36 Nimahsela kawngah mi ava kal a, tin, ngai teh, ani chu a lo awm ta lo mai a: A ni, ka zawng a, nimahsela hmuh theih ani lo. 37:37 Mi sawiselbo chhinchhiah la, mi dik tak chu en rawh, Chutiang mi tawpna tur chu thlamuanna a ni dawn si a. 37:38 Bawhchhetute erawh chu a ruala tihchhiatin an awm hlawm ang a, Mi suaksualte tawpna chu boralna a ni ang. 37:39 Amaherawhchu mi felte chhandamna chu LALPA lak ata a ni a: Ani chu mangan laia an kulhbing a nithin a.LALPA'n anni chu a tnapuiin a chhanhim thin a, Amahah chuan an tlukluh avangin Mi suaksualte lakah chuan a chhanhimin a chhandam thin. 37:40 LALPA'n anni chu a tnapuiin a chhanhim thin a, Amahah chuan an tlukluh avangin Mi suaksualte lakah chuan a chhanhimin a chhandam thin.