Library · lus

Psalms 38

38:1 Aw LALPA, thinurin mi zilhhau suh la: Thinrimin mi thunun hek suh ang che. 38:2 I thalte chu ka pangah a bur tlat a, I kutin mi nem tlawk tawlk si a. 38:3 I lungnih lohna avnaign ka tisaah hian dam lai reng a awm lo a; Ka sualna avangin ka ruhahte hian hrisel lai reng reng a awm hek lo. 38:4 Ka khawlohnate chuan ka lu hi a chim pil a, Phur rit tak ang, ka zawh rual loh hi a ni. 38:5 Ka atna avangin Ka pemte h a uihin a khawlo zo ta a. 38:6 Ka na a, ka kun tlawk tawlk a; Nilengin lungngaiin ka van ruai thin a. 38:7 Ka kawng hi a sa hluah hluah vek a; ka tisaah pawh hian dam lai reng a awm lo. 38:8 Ka chau a, ka sil urh a; Ka thinlung nawm lohna avangin ka rum vak vak a. 38:9 LALPA, ka duhzawng zawng zawng hi i hmaah a awm vek a; Ka rum pawh hi i lakah thuruk a ni lo. 38:10 Ka thin hi a phu hlawp hlawp a, thahrui ka nei ta lo va: Ka mit varna lah chuan mi awm lohsan ta bawk a. 38:11 Mi hmangaihtute leh ka thiante chu ka thil vei lakah hian an inthiarfihlim thin a; Ka laichinte pawh hla takah an ding thin. 38:12 Ka nunna tihbo tuma zawngtute chuan min awhna'n thangte an kam thin a; Ka chhiatna tur zawngtue pawh chuan thu tha lo takte an sawi a, Nilengin bumna thute an ngaihtuah thin. 38:13 Nimahsela kei chu mi bengngawng angin hre loin ka awm a; Tawng thei lo mi ka ang ngai lo angin ka awm. 38:14 A ni, mi tawng hre thei lo, A kaa zilhhauna reng chhuak ngai lo angin ka awm. 38:15 Aw LALPA, nangmah ka beisei si chia: Aw LALPA ka Pathian, nangin mi chhang ang. 38:16 "Chutilochuan mi diriam ang a, Ka ke a tleu veleh ka chungah an intilian dah ang e," ka ti a ni. 38:17 Ka bai dawn dawn si a, Ka lungngaihna pawh ka hmaah a awm fo a ni. 38:18 Ka khawlohna chu ka puang ang a; Ka sualna avanga lungngaiin ka awm dawn a ni. 38:19 Nimahsela mi dotute chu an thothang a thain, an chak a: Dik lo taka mi hawtute chu an pung ta luai a. 38:20 thil tha thil Saula rul thintute hi thil tha ka um avangin mi dotute an ni a. 38:21 Aw LALPA, mi kalsan lul suh la: Aw ka Pathian, mi hlat lul suh ang che.Aw LALPA mi chhandamtu, Mi tanpui turin hmanhmawh ang che. 38:22 Aw LALPA mi chhandamtu, Mi tanpui turin hmanhmawh ang che.