Psalms 44
44:1 Aw Pathian, hmasanga an dam laia i thiltihte khat Min thlahtuten min hrilh a, kan bengin ka hria.
44:2 Nangin i kut ngeiin hnam tin chu i hnawt chhuak a, anni chu i phun ta thung a; Mi tin, chu i tirethei a, anni chu i zar zautir tat hung a.
44:3 Ram hi luah tura anmahni khandaiha an lak a ni lo a, Anmahni bana inchhandam an ni hek lo: An chunga i lawm avangin I kut dinglam leh, i ban leh, i hmel angin a ni zawk.
44:4 Aw Pathian, nang chu ka Lal i ni: Jakoba chhanhimna'n tu pe ang che.
44:5 Nangmah avangin min dotute chu kan si thlu ang a; I hming avangin min beitute chu kan chil nek ang.
44:6 Ka thal ngul hi ka ring dawn si lo a, Ka khandaih hian mi chhandam hek lo ang.
44:7 Min dotute lakah chuan nangin min chhandam ta zawk a, Min hawtute chu i timualpho ta bawk a,
44:8 Nilengin Pathian kan chhuang a, I hming chu kumkhuain kan fak bawk ang. (Selah)
44:9 Tunah erawh chuan nangin min thlauhthla a, min tizak a; Kan sipaiho hnenah lah i chhuak ve ta ngai lo a.
44:10 Dotute lakah chuan mi tlanchhittir thin a: Min hawtute chuan sum chu an duh duh an la thin.
44:11 Beram talh tur angin min dah a, Hnam tin zingah min tidarh bawk a.
44:12 I mite hi engmah loah i hralh a, An man chu i hausakpui chuang si lo.
44:13 Nangin kan vela mite sawichhiatin min awmtir a, Kan dep vela mite hmusit leh nuihsanin min awmtir bawk a.
44:14 Nangin hnam tin zingah a chhe lam tehkhinnaah min awmtir a, Mi tin, zinga mite lu thinsanin min awmtir bawk a.
44:15 Ka zahna hi nilengin ka hmaah a awm thin a, Ka mualphona hian mi khuh zo ta,
44:16 Sawihnawmtu leh sawichhetu aw avang leh, Hmelma leh phubalatu avangin
44:17 Chung zawng zawng chu kan chungah a thleng a; nimahsela kan theihnghilh ngai lo chia, I thuthlungah hian aderin kan ti ngei hek lo.
44:18 Kan thinung hi a hawi kir lo a, Kan ke pente hian i kawng chu a pensan ngai hek lo;
44:19 Nangin sihalte awmnaah min sawisak nek a, Thihna daihlima min khuna tur hian.
44:20 Kan Pathian hming kan theihnghilh emaw, Ram dang Pathian lama kan kutte kan phar emaw chuan,
44:21 Pathianin chu chu a zawng chhuak lo ang em ni? Thinlunga thurukte hi a hre reng si a.
44:22 A ni, nangmah avangin nilengin thahin ka awm thin; Beram talh turte anga ngaih kan ni.
44:23 Aw LALPA, harh ta che, engah nge i muthilh ni? Meng la, kumkhua chuan min thlauhthla suh ang che.
44:24 Eng vangin nge i hmai i thup a, Kan hreawmzia leh hnechhiah kan tuarzia hi i theihnghilh thin ni?
44:25 Kan nuna hi vaivut siin a kun a; Kan pum lah leiah abet tlat si a.Min tanpui turin tho la, I ngilneihna avangin min tlan ang che.
44:26 Min tanpui turin tho la, I ngilneihna avangin min tlan ang che.