Psalms 45
45:1 Ka thinlung hi thil thain a liam zawih zawih a; Lalber chungchang thu a ka thil phuah chu ka sawi dawn e: Ka lei hi lehkha ziak thiam tak kawlawm a ni.
45:2 Mihring fate ai hian i hmel a tha zawk a; Khawngaihna hi i hmuiah leih a ni: Chuvangin Pathianin kumkhua atan mal a sawm che a ni.
45:3 Aw, mi chak, i khandaih i kawngah vawng rawh, I ropuina leh i mawina nen.
45:4 Thutak leh thuhnuairawlhna leh felna avangin I mawina inbelin hmuingil takin skawr chunga chuangin kal zel ang che. Tichuan i kut ding lamin thil rapthlak takte a zirtir dawn che nia.
45:5 I thal chu a zum a: Lalber dotute thinlungah chuan a bur reng a: Mi tin, chu i hnuaiah an tlu thin a.
45:6 Aw Pathian, i lalthuphah chu chatuanin a awm tur a ni: Thlei bik neih lohna laltiang chu i ram laltiang chu a ni.
45:7 Felna chu i ngaina a, suahsualna chu i huat kha; Chuvangin, Pathian, i Pathian chuan, i thiante aia nasain Hlimna hriak a thih tak che hi.
45:8 I silhfen zawng zawng chu murra rim te, aloe rim e, thakthing rimte a nam rum rum a; Sainghova siam lal intea tingtang chi hrang hrang ir lo chhuakte chuan a tihlim che anih hi.
45:9 I hmeichhe thate zingah chuan lalho fanute an tel ve a; I ding lamah chuan Ophir rangkachaka incheiin lalnu chu a ding a.
45:10 Aw, ka fanu, ngaithla la, ngaithuah la, beng chhi rawh; I mite leh i pa ina mite chu theihnghilh rawh;
45:11 Chutichuan lalberin i hmel tha tak hi a duh dawn nia: Ani chu i Lalpa a ni si a; tichuan amah chu chibai buk thin ang che.
45:12 Tura fanu chu thilpek kengin chutah chuan a awm ang a; Mi zinga hausate ngei chuan i khawngaihna an ngen ang.
45:13 Lal in chhunga lal fanu chu a ropui vel vek a: A silhfen chu rangkachaka zeh mawi a ni.
45:14 Puan thui mawi sinin lalber hnenah an hruai ang a: Amah zuitu, a thian nulahote chu, I hnenah an hruai ang.
45:15 Lawm tak leh hlim takin an hruai ang a: Lalber inah chuan an lut ang.
45:16 I pate aiah i fate an awm ang a, Anni chu lei chung zawng zawngah hian mi lianah i siam ang.I hming hi chhuan zawng anwgah hian hriat reng turin ka siam ang: Chuvangin mi tinin kumkhaw tlaitluanin lawm thu an hrilh ang che.
45:17 I hming hi chhuan zawng anwgah hian hriat reng turin ka siam ang: Chuvangin mi tinin kumkhaw tlaitluanin lawm thu an hrilh ang che.