Psalms 50
50:1 Pathian, Pathian ngei, LALPA chuan thu a sawi a, Leilung hi ni chhuahna atanga a tlakna thlengin a ko ta.
50:2 Mawi famkimna, Zion atang chuan, Pathian chu a eng chhuak ta a.
50:3 Kan Pathian chu a lo kal ang a, a ngawi reng lo ang: A hma lamah chuan mei a kang hluah hluah ang a, A velah chuan thlipui nasa tak a thleh bawk ang.
50:4 A mite ro a rel theihna turin Chung lam vante leh lei hi a ko ang,
50:5 "Ka mi thianghlimte ka hnenah rawn hruai khawm rawh u, Sa talha kan hnena thu thlungtue chu," tiin.
50:6 Tichuan, vante khian a felna chu a tlangaupui ang, Amah Pathian ngei chu roreltu a ni si a. (Selah)
50:7 "Aw ka mite u, ngaithla rawh u, thu ka sawi dawn e; Aw Israel, ngaithla rawh, ka hriat fiahtir dawn a che: Kei hi Pathian, i Pathian ngei chu ka nih hi.
50:8 I inthawinate avangin ka zilhhau lo ang che; I halral thilhlante chu ka hmaah a awm chawt si a.
50:9 I in ata chu bawngpa reng reng ka la chhuak lo ang a, I ran huang atate kelpate pawh ka la chhuak hek lo ang.
50:10 Ramhnuaia sa tinrenge hi ka ta a ni si a, Tlang sangkhat lai chunga ran awmte pawh chu.
50:11 Tlanga sava zawng zawng ka hre vek a: Ram sate pawh hi ka ta a ni.
50:12 Riltam mah i la ka hrilh lo ang che: Leilung leh a chhunga thil awm zawng zawng hi kqa ta a ni si a.
50:13 bawngpa sa ka eiin Kel thisen ka in dawn em ni?
50:14 Pathian hnenah lawm thu sawi inthawina chu hlan zawk la; I thutiam pawh Chungnungera lakah hlen rawh:
50:15 Tin, mangan niah chuan mi ko la; Ka chhanhim ang che, tichuan nangin mi chawimawi dawn nia," a ti a.
50:16 Mi suaksual hnenah erawh chuan, Pathianin, "Ka thuruat hi eng tiziaa hriattira, ka thuthlung hi eng tiziaa i kaa lam ngun nge i nih?
50:17 Thunun i hua a, Ka thute hi hnung lamah i paih zel si a.
50:18 Rukru i hmuhin rem i tihpui a, Uirepate lah i kawppui bawk thin.
50:19 I ka hi sual i pe a, I lei hian humna a siam bawk thin.
50:20 Thu chungin i unau i sawisel a; Mahni nute fapa ngei chu i hek thin.
50:21 Chung thil chu i ti a, nimahsela ka ngawi reng a; Chutichuan nangmah ang diakah mi ruat thin: Nimahsela ka zilhhau ang chia, i mithmuhah indawt zelin ka tilang ang.
50:22 Nangni Pathian theihngilhtute u, hei hi ngaihtuah rawh u khai! Chutilochuan ka pawt sawm dah ang che u, nangmahni chhanhimtu reng an awm dawn si lo.Tu pawh lawm thu sawi inthawina hlan apiang chuan mi chawimawi thin a; Tin, a awm dan vawng uptu hnenah chuan Pathian chhandamna ka entir ang," a ti a.
50:23 Tu pawh lawm thu sawi inthawina hlan apiang chuan mi chawimawi thin a; Tin, a awm dan vawng uptu hnenah chuan Pathian chhandamna ka entir ang," a ti a.