Psalms 51
51:1 Aw Pathian i ngilneih em avangin mi khawngaih la: I lainatna nasat avangin ka bawhchhiatnate hi thai bo ang che.
51:2 Ka khawlohnate hi mi silfaisak var la, Ka sual hi mi thlenfaisang ang che.
51:3 Ka bawhchhiatnate hi ka hre ta si a: Ka sual hi ka hmaah a awm fo thin a ni.
51:4 I chungah, i chung chauhvah thil ka tisual a, I mithmuha thil sual ka lo ti ta a: Thu i sawiin thiam i chan theih a, Ro i relin sawiselbo i nih theihna'n.
51:5 Ngai teh, khawlohnaa dinin ka awm a; Ka nun sualin mi pai a,
51:6 Ngai teh, chhungril lamahte hian takina i duh thin a: Tichuan lang lo lamah hian finna mi hriattir ang.
51:7 Husop-in mi tifai la, tichuan ka fai ang: Mi silfai la, tichuan vur aiin ka var ang.
51:8 Hlimna leh lawmna chu bengin mi hriattir ang che; I ruh tihtliahte hi a hlim theihna'n.
51:9 Ka sualnate lakah hian i hmai thup la, Ka khawlohna zawng zawng thai bo ang che.
51:10 Aw Pathian, keimahah hian thinlung thianghlim tak siam la; Ka kawchhungah hian thlarau dik tak siam thar leh ang che.
51:11 I hnen ata hi mi paih bo suh la; I thlarau thianghlim hi mi laksak suh ang che.
51:12 I mi chhandam hlimna chu mi pe leh la: Thlarau tihnuamin mi chelh reng ang che.
51:13 Chutichuan bawhchhetute chu i kawng chanchinte ka zirtir ang a; Tichuan, mi sualte chu i lamah an hawi leh ang.
51:14 Aw Pathian, nang mi chhandamtu Pathian, thisen chhuahnate lakah mi chhanhim ang che.Tichuan ka lei hian i felna thu hi hlim takin hlaah a sa ang.
51:15 Aw LALPA, nangin ka hmui hi hawng ang che; Tichuan ka ka hian i fakna chu a hriattir dawn nia.
51:16 Inthawina chungah lawmna i nei si lo a; chuti ni suh se la chuan ka pe ang: halral thilhlan chungah lungawina reng i nei lo e.
51:17 Pathian duhzawng inthawinate chu thlarau lungchhia hi a ni. Aw Pathian, thinlung lungchhia leh inchhir ngawih ngawih hi i hmusit lo ang.
51:18 I duhzawng takin Zion chungah thil tha ti la; Jerusalem kulh chu rem ang che.Chutichuan felna inthawinate chungah lawmna i nei tawh ang a, halral thilhlan leh halral pumhlan chungah chuan: Chutichuan i maicham chungah chuan bawngpate an hlan tawh ang.
51:19 Chutichuan felna inthawinate chungah lawmna i nei tawh ang a, halral thilhlan leh halral pumhlan chungah chuan: Chutichuan i maicham chungah chuan bawngpate an hlan tawh ang.