Library · lus

Zechariah 3

3:1 Tin, puithiam lalber Josua, LALPA vantirhkoh hmaa ding leh a dodaltu tur Setana ama ding lampanga ding chu mi entir a. 3:2 Tin, LALPA chuan Setana hnenah, Aw Setan, LALPA chuan hau che rawh se: A ni, LALPA Jerusalem thlangtu chuan hau che rawh se: He mi hi thingthu mei ata phih chhuah chu ani lo em ni? A ti a. 3:3 Tichuan Josua chu silhfen bawlhhlawh taka inthuamin vantirhkoh hmaah chuan alo ding a. 3:4 Tin, a hmaa dingte chu a han bia a, A silhfen bawlhlawh chu hlihsak rawh u, tiin. Tin, ama hnenah chuan, Ngai teh, i khawlohnate chu ka tibosak ta chia: tichuan silhfen hlu takin ka thuam ang che, a ti a. 3:5 Tin, kei chuan Lukhum mawi tak khumtir rawh se, ka han ti a. Tichuan lukhum mawi fe chu an khumtir ta a, silhfenin an thuam a, tin, LALPA vantirhkoh chu a kiangah a ding a. 3:6 Tin, LALPA vantirhkoh chuan Josua hnenah, 3:7 Sipaihote LALPA chuan heti hian a ti a ni: Ka kawngte i zawh zel a, ka thu tukte i tih chuan, Ka in chhung ro i rel ang a, Ka rorel hmunte chu i vawng bawk ang a, Heng dinghote zingah hian tel ve theihna tur ka pe ang che. 3:8 Tunah ngai teh, aw Josu, puithiam lalber, Nang leh i thiante i hmaa thute nen ngai rawh u, Thil tha thleng entir lawkna an i si a: Ngai teh u, ka chhiahhlawh Chawr no chu ka rawn chhuah dawn si a. Ngai teh mah u, Josua hmaa ka lung dah chu; Lung pakhatah chuan mit pasarih a awm a ni; 3:9 Ngai teh u, a chungah chuan thil ziakte ka ziak ang a, Churam khawlohnate chu ni khat thilah ka la bo vek mai ang, Tih hi Sipaihote LALPA thu chhuak a ni.Chumi niah chuan mi tinin grep hrui hnuaiah te leh Theipui hnuaiahte mahni thenawmte in sawm theuh tawh ang, Tih hi Sipaihote LALPA thu chuak a ni, tiin a tiam ta a, 3:10 Chumi niah chuan mi tinin grep hrui hnuaiah te leh Theipui hnuaiahte mahni thenawmte in sawm theuh tawh ang, Tih hi Sipaihote LALPA thu chuak a ni, tiin a tiam ta a,