Library · pcm

Job 23

23:1 Job kon ansa: 23:2 “Today, my komplain still dey make my heart betta; I nor fit hold my bitterness. 23:3 If to sey I know where I go for si God and how to go where E dey, 23:4 I for komplain gi-am kon tell am all di trobol wey I dey face. 23:5 I won know wetin E go tok and how E go ansa mi. 23:6 God go fight mi with all en pawa? No! I nor tink so. E go listin and ansa mi wen I tok. 23:7 Since pesin wey dey rite with God fit go follow am tok, den E go diliver mi from pipol wey dey judge mi, forever. 23:8 I don find am go east, but I nor si am. I nor si am for west wen I find am go der too. 23:9 Wen God dey work for nort and sout, I nor still si am. 23:10 Yet, God know evry step wey I dey take. If E sey make E test mi, I go klean kom out like gold. 23:11 Bikos I just dey waka follow God for back; for di road wey E choose by ensef and I nor dey waka on my own. 23:12 I dey always do wetin E tok; dey follow en words; nor bi my own. 23:13 E neva shange and nobody fit oppoz or stop am from wetin E won do. 23:14 E go do wetin E don plan for mi. Na-im dey kontrol my destini. 23:15 Na dis make mi dey fear and wen ever I si am, my hold body go dey shake. 23:16 True-true, na God make mi dey fear. E don distroy di mind wey I get. 23:17 Na God, nor bi di darkness make mi kwayet, even doh di darkness don kover my face.