Psalms 113
113:1 Make una praiz God! Una wey bi God savants, make una praiz am!
113:2 Make praiz bi God name naw and forever!
113:3 Pipol go praiz God name from east go rish west.
113:4 Dem dey praiz am ova all di nashons and en glory high pass di sky for heaven.
113:5 Na who wi go take kompare di Oga awa God wey sidan for di high throne?
113:6 E dey bend look di sky and di eart.
113:7 E dey take poor pipol komot from dirty kon remove doz wey nid help from where yeye tins dey,
113:8 so dat E go put dem for where prince dey-dey and dem go dey with en pipol wey bi prince.
113:9 Woman wey nor get pikin, E dey gi-am shidren kon make am dey happy. So, make wi praiz God!