Psalms 11
0 စီၤဒၤဝံးအထါလၢတၢ်အခိၣ်အဂီၢ်.
1 ယသန့ၤယသးလၢယွၤလီၤ.ဘၣ်မနုၤလၢသုစံးဘၣ်ယသး,ဃ့ၢ်ဒ်ထိၣ်ဖိအသိးဆူသုကစၢၢ်တက့ၢ်န့ၣ်လဲၣ်.
2 အဂ့ၢ်ဒ်အံၤ,ကွၢ်ကွၢ်,ပှၤတတီတလိၤန့ၣ်သူထီၣ်လံအချံၣ်လံ,ကတဲာ်ကတီၤလံအပျၢ်လၢချံၣ်ပျံၤအဖီခိၣ်,ဒ်သိးလၢတၢ်ခံးကျါန့ၣ်အကခးဘၣ်ပှၤအသးလိၤလီၤ.
3 တၢ်အခီၣ်ထံးတဖၣ်မ့ၢ်ဟးဂီၤဒီး,ပှၤအတီတဖၣ်ကမၤဒ်လဲၣ်.
4 ယွၤအိၣ်ဝဲလၢအနူၢ်စီဆှံအပူၤလီၤ.ယွၤအလီၢ်ပစိာ်အိၣ်ဝဲလၢမူခိၣ်,အမဲာ်ထံၣ်တၢ်,အမဲာ်ဖံးမၤကွၢ်ပှၤကညီဖိလီၤ.
5 ယွၤမၤကွၢ်ပှၤတီပှၤလိၤလီၤ.မ့မ့ၢ်ပှၤတတီတလိၤ,ဒီးပှၤလၢအအဲၣ်ဒိးတၢ်မၤအၢန့ၣ်ယွၤသးဟ့အီၤလီၤ.
6 ကဒုးဟဲစူၤတၢ်ပျံၤသကွီၤလၢပှၤတတီတလိၤအဖီခိၣ်လီၤ.မ့ၣ်အူ,ဒီးကးဒီးကလံၤမုၢ်န့ၣ်မ့ၢ်အလီခီအဂီၢ်လီၤ.
7 အဂ့ၢ်ဒ်အံၤ,ယွၤအတီအလိၤန့ၣ်အဲၣ်တၢ်တီတၢ်လိၤလီၤ.အမဲာ်ကွၢ်ပှၤအတီအလိၤတဖၣ်န့ၣ်လီၤ.