Psalms 12
0 စီၤဒၤဝံးအထါလၢတၢ်အခိၣ်အဂီၢ်လၢတၢ်ဃိး.
1 အုၣ်က့ၤခီၣ်က့ၤတက့ၢ်,ယွၤဧၢ,အဂ့ၢ်ဒ်အံၤ,ပှၤစီဆှံလၢာ်ဝဲ,ပှၤအကလုၢ်တီတအိၣ်လၢၤဘၣ်လၢပှၤကညီဖိအကျါဘၣ်.
2 ပှၤကတိၤတၢ်ကလီကလီတဂၤဒီးတဂၤလၢအပျုၤသဘျ့လီၤ.လၢအသးခံဖျၢၣ်န့ၣ်ကတိၤဝဲလီၤ.
3 ယွၤကဒီၣ်တဲာ်ကွံာ်ပျုၤသဘျ့ခဲလၢာ်,ပှၤအပျ့ၤလၢအကတိၤတၢ်အဒိၣ်အထီတဖၣ်လီၤ.
4 ပှၤလၢအစံးတ့ၢ်,ပအိၣ်ဆူၣ်လၢပပျ့ၤအဃိ,ပပျုၤမ့ၢ်ပတၢ်ဒၣ်ပဝဲ,မတၤမ့ၢ်ကစၢ်လၢပဖီခိၣ်တဂၤလဲၣ်.
5 လၢပှၤလၢအဘၣ်နးဘၣ်ဖှီၣ်အတၢ်မၤအၢအီၤအဃိ,လၢပှၤဖှီၣ်ဖိယာ်ဖိအကအုကစွါတၢ်အဃိန့ၣ်,ခဲကနံၣ်အံၤယကဂဲၤဆၢထၢၣ်,ယွၤစံးဝဲဒၣ်,ပှၤလၢအသါသဖှိဒ်သိးအကန့ၢ်တၢ်အုၣ်က့ၤခီၣ်က့ၤန့ၣ်ယကပာ်လၢအပူၤလီၤ.
6 ယွၤအတၢ်ကတိၤန့ၣ်မ့ၢ်တၢ်ကတိၤကဆှီဒ်စ့လၢအဘၣ်တၢ်ပစီတ့ၢ်အီၤလၢဖၣ်ကပူၤလၢဟီၣ်ခိၣ်နွံဘျီအသိးန့ၣ်လီၤ.
7 နဲဒၣ်ယွၤဧၢ,နကအံးထီၣ်ကွၢ်လီၤအီၤ,နကပၢၤအီၤလၢပှၤတစိၤအံၤလီၤထူလီၤယိာ်လီၤ.
8 ပှၤတတီတလိၤဟးဝ့ၤဝီၤကိးခီဒဲးတုၤတၢ်ပာ်ထီၣ်ထီတၢ်အၢတၢ်သီလၢပှၤကညီအကျါန့ၣ်လီၤ.