Psalms 124
0 ပှၤတမှံၤအတၢ်သးဝံၣ်.
1 ခဲကနံၣ်အံၤမ်အံၣ်စရ့လးစံး,မ့တမ့ၢ်ဘၣ်ယွၤလၢအအိၣ်လၢပပူၤဒီး,
2 တုၤပှၤဂဲၤဆၢထၢၣ်ထီဒါပှၤန့ၣ်,မ့တမ့ၢ်ယွၤလၢအအိၣ်လၢပသိးဒီး,
3 တုၤအဝဲသ့ၣ်အသးထီၣ်ပှၤန့ၣ်ပအိၣ်မူဒံးအဖၢမုၢ်ဒီး,ကယူၢ်လီၤကွံာ်တ့ၢ်ပှၤ,
4 ဒီးထံကလုၣ်ဘၢကွံာ်တ့ၢ်ပှၤ,ဒီးထံမိၢ်ပှၢ်ကယွၤတ့ၢ်လၢပသးအဖီခိၣ်,
5 ထံဒိၣ်ကယွၤတ့ၢ်လၢပသးအဖီခိၣ်လံလီၤ.
6 ပှၤလၢအတဟ့ၣ်ဘၣ်ပှၤလၢတၢ်အ့ၣ်အလီၢ်လၢအမဲအဂီၢ်,ယွၤတဂၤန့ၣ်,မ်အဘၣ်တၢ်စံးထီၣ်ပတြၢၤအီၤတက့ၢ်.
7 ပသးထူၣ်ဖျဲးလံဒ်ထိၣ်တဘ့ၣ်လၢပှၤဖီၣ်န့ၢ်ထိၣ်ဧိၤလံၣ်ဧိၤအပျံၤသကွီၤအပူၤအသိးန့ၣ်လီၤ.ပျံၤသကွီၤန့ၣ်တဲာ်ကွံာ်လံ,ဒီးပဝဲဒၣ်အံၤပထူၣ်ဖျဲးလံ.
8 တၢ်မၤစၢၤပှၤအိၣ်ဝဲလၢယွၤလၢအတ့လီၤမူခိၣ်,ဒီးဟီၣ်ခိၣ်တဂၤန့ၣ်အမံၤအပူၤလီၤ.