Psalms 125
0 ပှၤတမှံၤအတၢ်သးဝံၣ်.
1 ပှၤလၢအသန့ၤအသးလၢယွၤန့ၣ်မၤအသးဒ်ကစၢၢ်စံယိၣ်အသိးန့ၣ်လီၤ.တဟူးတဝးဘၣ်ဝဲဘၣ်,ဒီးအိၣ်ဝဲဆိးဝဲလီၤထူလီၤယိာ်လီၤ.
2 ဒ်ကစၢၢ်ကလိအိၣ်ဝးတရံးယရူၤၡလ့ၣ်အသိးန့ၣ်,ယွၤအိၣ်ဝးတရံးအပှၤဂီၢ်မုၢ်တုၤအံၤဆူညါအစိၤစိၤအဃၣ်ဃၣ်လီၤ.
3 အဂ့ၢ်ဒ်အံၤ,ပှၤအၢပှၤသီအနီၣ်ထိၣ်တအိၣ်တဆိးဘၣ်လၢပှၤအတီအလိၤအလီၢ်ဘၣ်,ဒ်သိးပှၤအတီအလိၤသုတယူာ်ထီၣ်အစုဆူတၢ်အၢတၢ်သီတဂ့ၤန့ၣ်လီၤ.
4 ယွၤဧၢ,မၤဂ့ၤပှၤအဂ့ၤအဝါ,ဒီးပှၤအသးစၢၢ်ဆၢန့ၣ်တက့ၢ်.
5 မ့မ့ၢ်ပှၤလၢအပိာ်ကမၣ်ကျဲအက့ၣ်အကူတဖၣ်န့ၣ်ယွၤကဟီထီၣ်ကွံာ်အီၤအိၣ်ဒီးပှၤမၤတၢ်အၢန့ၣ်လီၤ.မ်တၢ်ဃူတၢ်ဖိးအိၣ်လၢအံၣ်စရ့လးအလိၤတက့ၢ်.