Library · ksw

Psalms 127

0 ပှၤတမှံၤအတၢ်သးဝံၣ်,လၢစီၤၡလိၤမိၤ.

1 ယွၤမ့ၢ်တမၤဟံၣ်ဘၣ်ဒီး,ပှၤလၢအမၤဝဲတဖၣ်န့ၣ်မၤဝဲကလီကလီလီၤ.ယွၤမ့ၢ်တကွၢ်ဘၣ်ဝ့ၢ်ဒီး,ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

2 သုဂဲၤဆၢထၢၣ်ဂီၤဂီၤ,သုကီၤမံဃဲးဃဲး,သုအီၣ်တၢ်သးအုးအကိၣ်န့ၣ်ကလီကလီလီၤ.ပှၤလၢယွၤအဲၣ်အီၤတဖၣ်န့ၣ်ယွၤဟ့ၣ်လၢအမံဝဲဒ်န့ၣ်လီၤ.

3 ကွၢ်ကွၢ်,ပဖိပလံၤန့ၣ်မ့ၢ်တၢ်န့ၢ်သါလၢယွၤလီၤ.ဒီးပှၤဒၢလီၢ်အတၤသၣ်န့ၣ်မ့ၢ်တၢ်အဘူးအလဲလီၤ.

4 ဒ်ပျၢ်ဧိၤစၤဧိၤအိၣ်လၢပှၤအဆူၣ်အစုပူၤအသိးန့ၣ်ပှၤသးစၢ်အဖိမ့ၢ်ဒ်န့ၣ်အသိးလီၤ.

5 ပှၤလၢအလၢပီၤပှဲၤဒီးအီၤန့ၣ်ဘၣ်ဆိၣ်ဂ့ၤဝဲလီၤ.တုၤအကတိၤတၢ်ဒီးအဒုၣ်အဒါလၢပဲတရီပူၤဒီး,အမဲာ်တဆှးဘၣ်လီၤ.