Library · ksw

Psalms 126

0 ပှၤတမှံၤအတၢ်သးဝံၣ်.

1 တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး,ပမၤသးဒ်ပှၤလၢအမံမီၢ်တၢ်အသိးန့ၣ်လီၤ.

2 တုၤနုၤတစုပထးခိၣ်ပှဲၤဝဲဒီးတၢ်နံၤတၢ်အ့,ဒီးပပျ့ၤပှဲၤဝဲဒီးတၢ်သးဝံၣ်န့ၣ်လီၤ.တုၤနုၤတစုအဝဲသ့ၣ်တဖၣ်န့ၣ်စံးလၢပှၤကလုာ်တဖၣ်အကျါန့ၣ်ယွၤမၤတၢ်အဒိၣ်တဖၣ်လၢအဂီၢ်လီၤ.

3 ယွၤမၤတၢ်အဒိၣ်တဖၣ်လၢပဂီၢ်,ဒီးပသးခုလၢအဃိလီၤ.

4 ယွၤဧၢ,ဃၣ်ကဒါက့ၤပတၢ်ကဲကုၢ်ဒ်ထံကျိအိၣ်လၢကလံၤထံးတခီအသိးန့ၣ်တက့ၢ်.

5 ပှၤလၢအဖှံတၢ်အိၣ်ဒီးအမဲာ်ထံလီၤန့ၣ်ကကူးတၢ်ဒီးတၢ်သးခုလီၤ.

6 လဲၤဝဲဒီးလဲၤဝဲ,ဒီးအမဲာ်ထံလီၤ,အိၣ်ဒီးဖှံတၢ်ချံန့ၣ်,ဟဲက့ၤဝဲဒီးဟဲက့ၤဝဲ,ဒီးအသူၣ်ဖှံသးညီအိၣ်ဒီးအဘုကဒိၣ်သ့ၣ်တဖၣ်န့ၣ်လီၤ.