Psalms 61
0 စီၤဒၤဝံးအထါလၢတၢ်အခိၣ်အဂီၢ်လၢနီၣ်ဒ့တၢ်.
1 ကနၣ်ယကိးပသူတၢ်,ယွၤဧၢ,ဒိကနၣ်ယတၢ်ထုကဖၣ်တက့ၢ်.
2 တုၤယသးဘၣ်တၢ်လုၣ်ဘၢအီၤဒီး,ယကိးထီၣ်နၤလၢဟီၣ်ခိၣ်အကတၢၢ်ပူၤန့ၣ်လီၤ.ဆှၢယၤဆူလၢၢ်လၢအထီန့ၢ်ယၤအအိၣ်န့ၣ်တက့ၢ်.
3 အဂ့ၢ်ဒ်အံၤ,နမ့ၢ်တၢ်ပူၤဖျဲးအလီၢ်,တၢးထီခၢၣ်သနၢၢ်လၢယဒုၣ်ယဒါအမဲာ်ညါလီၤ.
4 ယကအိၣ်လၢနဒဲပူၤလီၤထူလီၤယိာ်,ယကဃ့ၢ်အိၣ်ခူသူၣ်လၢနဒံးဆ့လာ်န့ၣ်လီၤ. စ့လၤ.
5 အဂ့ၢ်ဒ်အံၤ,နဲဒၣ်ယွၤဧၢ,နနၢ်ဟူလံယဆိၣ်တၢ်လံ.နဟ့ၣ်လီၤလံတၢ်န့ၢ်သါလၢပှၤလၢအပျံၤနမံၤလံ.
6 နကပာ်ဖှိၣ်နံၤတဖၣ်ဒီးစီၤပၤအမုၢ်နံၤတဖၣ်,အနံၣ်အလါအိၣ်ဝဲအါစိၤအါဃၣ်လီၤ.
7 ကအိၣ်ကဆိးဝဲလၢယွၤအမဲာ်ညါလီၤထူလီၤယိာ်လီၤ.ပာ်လီၤတၢ်အဘျုးအဖှိၣ်ဒီးတၢ်မ့ၢ်တၢ်တီလၢအကပၢၤအီၤန့ၣ်တက့ၢ်.
8 မ့မ့ၢ်ဒ်န့ၣ်ဒီးယကသးဝံၣ်ထီၣ်နမံၤလီၤစိၤလီၤထီ,ဒ်သိးယကမၤဘူၣ်တၢ်ဘၣ်ဃးဒီးယဆိၣ်တၢ်န့ၣ်တနံၤဘၣ်တနံၤလီၤ.