Psalms 82
0 စီၤအၤစာ်အထါ.
1 ယွၤဆၢထၢၣ်လၢကစၢ်အတၢ်အိၣ်ဖှိၣ်,လၢကစၢ်တဖၣ်အကျါန့ၣ်စံၣ်ညီၣ်တၢ်လီၤ.
2 သုကစံၣ်ညီၣ်တၢ်တတီဘၣ်,ဒီးကွၢ်မဲာ်ပှၤတတီတလိၤန့ၣ်ဆံးယံာ်လဲၣ်. စ့လၤ.
3 စံၣ်ညီၣ်န့ၢ်ပှၤဖှီၣ်ဖိယာ်ဖိ,ဒီးပှၤဖိၣ်ဃဲ,စံၣ်ညီၣ်တီပှၤဘၣ်နးဘၣ်ဖှီၣ်,ဒီးပှၤဖှီၣ်ဖိယာ်ဖိန့ၣ်တက့ၢ်.
4 မၤပူၤမၤဖျဲးပှၤဘၣ်နးဘၣ်ဖှီၣ်ဒီးပှၤဖှီၣ်ဖိယာ်ဖိ,မၤထူၣ်ဖျဲးအီၤလၢပှၤတတီတလိၤအစုပူၤန့ၣ်တက့ၢ်.
5 တသ့ၣ်ညါဘၣ်တၢ်ဘၣ်,ဒီးအနၢ်တပၢၢ်ဘၣ်တၢ်ဘၣ်.လဲၤဝဲလၢတၢ်ခံးကျါလီၤ.ဟီၣ်ခိၣ်အခီၣ်ထံးဟူးဝးဝဲခဲလၢာ်လီၤ.
6 ယစံးတ့ၢ်,သုမ့ၢ်ယွၤတဖၣ်,ဒီးသုမ့ၢ်တၢ်ထီကတၢၢ်တဂၤအဖိခဲလၢာ်လီၤ.
7 ဘၣ်ဆၣ်ဒီးသုကသံဒ်ပှၤကညီအသိးဒီးလီၤဃံၤဒ်ပှၤတဂၤလၢပဒိၣ်ဖးဒိၣ်အကျါအသိးန့ၣ်လီၤ.
8 ယွၤဧၢ,ဂဲၤဆၢထၢၣ်,စံၣ်ညီၣ်ပှၤဟီၣ်ခိၣ်ဖိတက့ၢ်.အဂ့ၢ်ဒ်အံၤ,နမ့ၢ်ပှၤကိးကလုာ်ဒဲးအကစၢ်လီၤ.