Library · yue

馬太福音 1

耶穌基督嘅家譜

1 耶穌基督係大衛嘅後代,大衛係亞伯拉罕嘅後代。以下係耶穌嘅家譜:

2 亞伯拉罕生以撒,以撒生雅各,雅各生猶大同佢嘅兄弟。

3 猶大從大馬生法勒斯同謝拉,法勒斯生希斯崙,希斯崙生亞蘭,

4 亞蘭生亞米拿達,亞米拿達生拿順,拿順生撒門,

5 撒門同喇合生波士,波士同路得生俄備得,俄備得生耶西,

6 耶西生大衛。大衛同烏利亞嘅妻生所羅門,

7 所羅門生羅波安,羅波安生亞比雅,亞比雅生亞撒,

8 亞撒生約沙法,約沙法生約蘭,約蘭生烏西亞,

9 烏西亞生約担,約担生亞哈士,亞哈士生希西家,

10 希西家生瑪拿西,瑪拿西生亞們,亞們生約西亞。

11 以色列族被擄到巴比倫期間,約西亞生耶哥尼雅同佢嘅兄弟。

12 被擄到巴比倫以後,耶哥尼雅生撒拉鐵,撒拉鐵生所羅巴伯,

13 所羅巴伯生亞比玉,亞比玉生以利亞敬,以利亞敬生亞所,

14 亞所生撒督,撒督生亞金,亞金生以律,

15 以律生以利亞撒,以利亞撒生馬但,馬但生雅各,

16 雅各生約瑟,即係馬利亞嘅丈夫。被稱為基督嘅耶穌係由馬利亞生嘅。

17 噉計起嚟,由亞伯拉罕到大衛共十四代,由大衛到以色列人被擄到巴比倫亦係十四代,由被擄到基督嘅降生又係十四代。

耶穌基督降生

18 耶穌基督降生嘅經過係噉:佢母親馬利亞已經同約瑟訂婚,但喺成婚之前,馬利亞知道自己已經由聖靈懷孕。

19 佢嘅未婚夫約瑟為人正直,唔願意公開羞辱佢,但有意秘密解除緍約。

20 佢正在考慮此事時,主嘅天使喺夢中向佢顯現,話:「大衛嘅後代約瑟,唔好怕,只管娶馬利亞做妻,因為佢係由聖靈懷孕嘅。

21 佢將生個仔,你要改名做耶穌,因為佢將拯救佢嘅子民脫離罪惡。」

22 此事發生係要應驗主透過先知講嘅話:

23 「有童女將懷孕生子,佢嘅名叫以馬內利。」(「以馬內利」意思係「上帝與我哋同在」。)

24 約瑟醒咗,就照主嘅天使吩咐嘅去做,同馬利亞成婚;

25 但喺佢生孩子之前冇共佢同房。孩子出生,約瑟就改佢名做耶穌。