哥林多後書 2
1 我下定決心,喺下次訪問你哋時唔再使你哋憂愁。
2 若我使你哋憂愁,有邊個能使我快樂呢?只有因我而引起憂愁嘅你哋能使我快樂。
3 我寫嗰封信俾你哋,為要避免我去你哋處時,嗰啲應該使我快樂嘅人反而使我憂愁。我亦確信,我嘅喜樂就係你哋眾人嘅喜樂。
4 我喺憂傷痛苦中流咗好多眼淚寫信俾你哋,唔係為使你哋憂愁,而係要你哋知道我格外愛你哋!
赦免犯過失嘅人5 若有令人憂愁嘅,佢唔係使我,而係使你哋眾人憂愁,至少使你哋中有啲人憂愁。我噉樣講,係因為我唔願意使噉樣嘅人太難堪。
6 佢受大多數人嘅讉責已經夠咯。
7 你哋應該寬恕佢,勸慰佢,免致佢過份傷心而絕望。
8 所以,我要求你哋使佢知道,你哋確實愛佢。
9 我以前寫信俾你哋,目的係要知道你哋係唔係經得起考驗,願意一切都服從我。
10 你哋寬恕邊個,我就寬恕邊個。若我有所寬恕,係代表基督為你哋寬恕嘅,
11 免致撒但佔優勢,因為我哋對撒但嘅詭計知得好清楚。
保羅嘅焦慮12 我到特羅亞傳基督嘅福音時,主已經為我開工作嘅門。
13 但因冇遇見我哋嘅兄弟提多,我心非常焦慮。於是我向當地嘅人告別,去馬其頓。
靠基督得勝14 感謝上帝!因為佢時常率領我哋,使我哋能參加基督凱旋嘅行列。又使我哋到處散播因認識基督而有嘅香氣。
15 我哋如基督獻俾上帝馨香之氣,散播喺得救同滅亡嘅人身上。
16 在滅亡嘅人,此氣味成為致死嘅死氣;對於得救嘅人,此氣味成為得生命嘅香氣。邊個能擔當此重大嘅任務呢?
17 我哋唔似好多人,將上帝嘅信息當做商品賣買圖利;因為上帝打發我哋,喺佢面前以基督奴僕嘅身分誠懇傳信息。