Library · yue

以弗所書 1

1 我保羅;奉上帝嘅旨意做基督耶穌嘅使徒。我寫信俾以弗所地方喺基督耶穌裏忠心嘅信徒:

2 願我哋嘅父上帝同主耶穌基督賜恩典、平安俾你哋。

基督裏屬靈嘅恩賜

3 多謝我哋主耶穌基督嘅父上帝!因為佢透過基督將天上各樣屬靈嘅福氣賜俾我哋。

4 喺創世以前,佢已經透過基督揀選我哋,使我哋喺佢面前成為聖潔,無瑕疵。

5 上帝愛我哋,預先決定透過耶穌基督使我哋歸於佢,使佢嘅仔女;呢啲係依自己旨意所喜悅嘅。

6 等我哋頌讚上帝榮耀嘅恩典,因為佢將佢愛子白白賜俾我哋!

7 由於佢愛子嘅血,我哋得到自由,過犯得蒙赦免。乃係出於上帝豐富嘅恩典。

8 此恩典係上帝用聰明智慧厚賜我哋嘅。

9 亦係照佢嘅善意,等我哋知佢旨意嘅奧祕。

10 至時機成熟時此奧祕嘅計劃係,上帝將使天上同地上一切被造嘅都歸基督,以佢為首。

11 宇宙萬物都要照上帝嘅計劃同決定完成。上帝根據佢原始定落嘅旨意,透過基督揀選我哋做佢嘅子民。

12 要我哋首先將希望寄託喺基督嘅人,頌讚上帝嘅榮耀!

13 你哋亦係噉樣:當你哋聽見真理嘅信息,即係使你哋得救嘅福音,你哋信咗基督,上帝就將佢應許嘅聖靈賜俾你哋,作為你哋歸佢嘅印記。

14 聖靈係我哋承受上帝應許嘅憑據:上帝將完全嘅自由賜俾屬佢嘅人。我哋要頌讚佢嘅榮耀!

保羅嘅禱告

15 因此,自從我聽到你哋對主耶穌有信心,對信徒有愛心,

16 我就不停為你哋多謝上帝。我喺禱告中提到你哋,

17 求我哋主耶穌基督嘅上帝,榮耀嘅天父,將聖靈賜俾你哋。呢位聖靈會俾你哋智慧,啟示你哋認識上帝。

18 我亦求上帝開你地嘅心眼,使你哋知道:佢呼召你哋嚟得嘅盼望係乜嘢;佢所應許俾佢子民豐富嘅產業;

19 佢喺我哋信佢嘅人中所顯示浩大嘅能力。

20 呢種能力同佢使基督由死裏復生,使基督喺天上坐喺自己右邊嘅能力相同。

21 係嗰處,基督嘅統治超越一切天上執政者、掌權者、統治者,同邪惡嘅勢力;佢超越今世同來世一切嘅名號。

22 上帝又使宇宙萬物屈服喺基督腳下,以佢為教會嘅元首,統治一切。

23 教會係基督嘅身體,係充滿宇宙萬物嘅基督所充滿嘅。