以弗所書 2
出死入生1 從前,你哋因犯罪違抗上帝嘅命令,你哋係靈性上係死嘅。
2 嗰時,你哋隨從世界嘅邪風惡俗,順服空中嘅掌權者,即係管住違抗上帝命令之人嘅邪靈。
3 我哋從前亦同佢哋一樣,放縱本性嘅慾望,隨從自己嘅私慾意念。同他人冇分別,都注定要受上帝嘅懲罰。
4 但上帝有豐盛嘅憐憫;佢對我哋嘅愛浩大無窮。
5 我哋嘅靈性死在違命嘅罪中時,佢使我哋同基督一齊復生;你哋得救,係因為佢嘅恩典。
6 上帝已經使我哋喺基督耶穌嘅生命裏同基督一齊復生,一齊喺天上掌權。
7 佢噉樣做係要向後代表明佢極大嘅恩典,係由基督耶穌向我吔顯出嘅慈愛。
8 你哋得救係靠上帝嘅恩典、及信心;唔係出於你哋自己嘅行為,係上帝所賜嘅。
9 既然唔係靠行為,你哋就無可誇口。
10 上帝係我哋嘅創造者;佢透過基督耶穌改造我哋,要我哋行善;呢啲係佢早已計劃要我哋去做嘅。
喺基督嘅生命裏合而為一11 你哋天生係異邦人,要記得過去嘅情況;你哋被嗰啲自稱受過割禮嘅人-即係喺自己身體上動過刀嘅猶太人-叫你哋做冇受過割禮嘅人。
12 嗰時,你哋同基督冇關係,係外人,唔喺上帝選民嘅行列裏。你哋喺上帝應許俾佢子民嘅約上冇份,喺世上冇盼望,冇上帝。
13 你哋從前遠離帝上帝,現今同基督耶穌結合,透過佢嘅血,已經接近上帝。
14 基督親自將和平賜俾我哋;猶太人同異邦人合而為一,用自己嘅血推冧嗰幅使佢哋互相敵對而分裂嘅牆。
15 佢廢除猶太律法嘅誡命規條,使兩種人透過佢嘅生命成為一種新人,和平相處。
16 透過喺十字架上嘅死,基督終止呢種敵對嘅形勢,透過十字架使兩者結為一體,與上帝和好。
17 基督嚟嘅目的係要傳和平嘅福音俾所有嘅人,包括你哋從前遠離上帝嘅異邦人同接近上帝嘅猶太人。
18 透過基督,不論猶太人或異邦人,都能喺同一位聖靈裏嚟到天父面前。
19 噉樣,你哋係異邦人唔再喺外人或陌生人;你哋係共聖徒同國,係上帝一家嘅人。
20 同猶太人一樣,你哋亦係建立喺使徒同先知嘅基礎上,而基督耶穌自己係呢家嘅基石。
21 靠佢,成座建築物得以互相聯繫,成為獻俾主嘅聖殿。
22 靠佢,你哋亦同被建造,成為上帝透過聖靈居住嘅地方。