腓利比書 1
1 我保羅同提摩太係基督耶穌嘅僕人。我哋寫信俾凡住喺腓立比,屬基督耶穌嘅眾聖徒,及各監督、執事。
2 願我哋嘅父上帝同主耶穌基督賜恩典、平安俾你哋
保羅為收信人禱告3 每逢想到你哋,我就多謝我嘅上帝,
4 每次為你哋眾人禱告都懷住喜樂嘅心;
5 因為從開始到現今,你哋喺傳福音嘅工作上一直協助我。
6 我深信,嗰位喺你哋中開始呢個美好工作嘅上帝必繼續此工作直到完成,喺基督耶穌再嚟嘅日子。
7 你哋眾人常在我心裏!我想念你哋係當然;因為,無論我喺監獄,或在自由中為福音辯護同作證時,你哋眾人都分享上帝賜俾我嘅恩典。
8 上帝知道,我話我用基督耶穌嘅愛心深切想念你哋嘅話係真嘅。
9 我為你哋禱告嘅係:你哋嘅愛心不停同真知識及判斷力一齊增加,
10 使你哋能善於選擇。噉樣,喺基督再嚟嘅日子,你哋成為純潔無可指責嘅人。
11 你哋嘅生活充滿嗰種靠住基督致能有善嘅行為,嚟榮耀讚美上帝。
為基督而活12 兄弟呀,我要你哋知道,我嘅遭遇反而幫助福音嘅進展。
13 結果,御營全軍,同喺呢處所有其他嘅人,都知我係因基督嘅緣故被囚禁。
14 我坐監,反而使好多兄弟對主有信心,更勇敢,越發放膽傳揚上帝嘅信息。
15 有啲人傳揚基督係出於嫉妒同好鬥嘅心,但亦有啲係出於誠意。
16 後者出於愛心,因為佢哋知上帝交俾我為福音辯護嘅使命。
17 前者傳基督嘅動機唔純淨,係出於野心,想趁我坐監時製造更多嘅麻煩俾我。
18 但有乜關係呢?唔理佢哋嘅動機點樣,只要基督被傳開,我就好高興。我仍要繼續高興。
19 因為知道由你哋嘅禱告同耶穌基督之靈嘅幫助,我必會恢復自由。
20 我迫切期待同盼望嘅係:我不至於在責任上有所虧負,反而能常時,尤其係現今,具有充分嘅勇氣,無論生死,用我整個人嚟榮耀基督。
21 因為對我嚟講,我生存,係為基督;我死咗,更有收穫!
22 但係,若我繼續生存能多做有益嘅工作,噉我就唔知應該點樣選擇。
23 我處喺兩難之間。我好希望離開此世,去與基督同在;噉就越發好。
24 但係為你哋嘅緣故,我繼續生活更為重要。
25 對呢一點,我深信無疑;我仍要生活,與你哋眾人同在,幫助你哋喺信仰上更長進,更有喜樂。
26 目的係我同你哋再見面時,你哋喺基督耶穌裏將更加以我為榮!
27 最重要嘅係:你哋嘅生活應該符合基督福音所要求嘅。噉樣,無論我能唔能夠親自嚟睇你哋,我都會知道你哋抱住共同嘅目標,堅定不移,同心協力為福音嘅信仰打仗。
28 喺任何事上都唔受反對你哋嘅人嘅恐嚇;要勇敢,向佢哋證明,佢哋必失敗,你哋必得勝,因為上帝要將勝利賜俾你哋。
29 你哋得到恩典嚟事奉基督,唔只係信佢,亦要為佢受苦。
30 你哋可以同我並肩作戰;呢場仗,你哋睇見我打過,亦必聽見過,我仍然係打緊同樣嘅仗。