Library · yue

歌羅西書 1

1 我保羅;奉上帝嘅旨意做基督耶穌嘅使徒。我同提摩太兄弟

2 寫信俾你哋喺歌羅西嘅聖徒,係在基督有忠心嘅兄弟。願我哋嘅父上帝賜恩典、平安俾你哋。

感謝嘅禱告

3 為你哋禱告時,我哋常時感謝上帝,我哋主耶穌基督嘅父;

4 因為我哋聽見你哋對基督耶穌有信心,對所有聖徒有愛心。

5 起初,福音真道傳到你哋處時,你哋聽見此福音帶嚟嘅盼望。你哋嘅信心同愛心都係以此為你哋保存喺天上嘅盼望為根據。

6 此福音唔單只傳到你哋處,亦傳到全世界,不停生長,結果,好似當初你哋聽聞而且真正認識上帝嘅恩典嗰時,生長,結果一樣。

7 你哋從我哋親愛嘅同工以巴弗學到此福音;佢為我哋做基督忠心嘅僕人。

8 有關聖靈賜俾你哋愛心嘅消息係佢話俾我知嘅。

9 為噉,自從聽到有關你哋嘅消息,我哋不停為你哋禱告,求上帝使你哋從聖靈得到各樣嘅智慧同理解力,致能充分認識佢嘅旨意。

10 噉樣,你哋嘅生活就會合乎主嘅要求,凡事使佢歡喜。同時,你哋會喺生活上結出各種美好嘅果,對上帝嘅認識亦會增進。

11 願你哋由佢榮耀嘅能力得到堅強嘅力量,有耐心忍受一切。用快樂嘅心感謝天父,

12 因為佢使你哋有資格分享佢為眾聖徒喺光明嘅國度裏所保留嘅福。

13 佢救我哋脫離黑暗嘅權勢,使我哋生活喺佢愛子嘅主權下。

14 透過佢嘅愛子,我哋得到自由-我哋嘅罪得赦免。

基督同佢嘅工作

15 基督係睇唔見嘅上帝形象,係超越萬有嘅長子。

16 透過佢,上帝創造天地萬有:能見或不能見嘅,包括靈界嘅在位者、統治者、執政者、掌權者。透過佢,亦為着佢,上帝創造整個宇宙。

17 佢喺萬有之先就存在;萬有亦藉佢而立。

18 佢係教會嘅頭,係佢身體嘅頭,亦係新生命嘅源頭。佢係長子,首先由死裏復生,目的係要喺萬有中居首位。

19 上帝親自決定使佢有佢完整嘅特質,

20 透過呢個仔,上帝決定使全宇宙藉佢嘅仔再同自己和好。藉佢喺十字架上,所流嘅血成就復和之工使天地萬有再歸佢。

21 從前,你哋由於邪惡嘅行為同思想遠離上帝,做佢嘅仇敵。

22 現今,藉佢仔肉體嘅死,上帝使你哋成為佢嘅朋友,喺佢面前成為聖潔,冇缺點,無可指責嘅。

23 你哋必要持守信仰,企穩喺堅固嘅基礎上;唔好放棄當初領受福音時所得嘅盼望。現今,此福音己傳到全世界;我保羅就係此福音嘅僕人。

保羅為教會工作

24 我現今覺得為你哋受苦係一件快樂嘅事;因為我喺肉體受苦,等於繼續忍受基督為佢嘅身體,即係佢嘅教會,忍受未完成的苦難。

25 為你哋嘅益處,上帝將此任務交俾我,使我做教會嘅僕人。傳達上帝完整嘅信息。

26 即係佢歷代以來向人類隱藏嘅奧祕;此奧祕現今已向佢嘅聖徒顯明。

27 上帝嘅計劃係要佢嘅子民知道,此豐盛而榮耀嘅奧祕係要顯示俾全人類。此奧祕係:基督喺你哋嘅生命裏,等你哋分享上帝嘅榮耀。

28 為噉,我哋向所有嘅人傳揚基督,用各樣嘅智慧勸誡教導眾人,將每人帶到上帝面前,成為成熟嘅基督徒。

29 為要達到此目的,我運用基督賜俾我嘅大能大力,唔怕辛苦,盡力去做。