Library · yue

歌羅西書 4

1 做主人嘅,要公平合理對待奴僕,因為你哋知,你哋喺天上亦有一位主人。

勸導嘅話

2 你哋禱告要恆切,並且要警醒,對上帝存感謝嘅心。

3 亦要為我哋禱告,求上帝賜俾我哋傳信息嘅好機會,能宣揚基督嘅奧祕。我係為此工作坐監。

4 請為我禱告,使我能盡責任將此奧祕解釋出嚟。

5 你哋同非基督徒來往要有智慧,要把握機會。

6 講話要溫和明智,要知應該點樣回答每人所提出嘅問題。

最後嘅問候

7 我喺呢處嘅一切情形,我哋親愛嘅兄弟推基古會詳細話你哋知。佢係一位忠心嘅工人,喺事奉主嘅工作上和我同做僕人。

8 我特登打發佢去你哋處,報告我哋呢處嘅情況,使你哋得到鼓勵。

9 同佢一齊去嘅有一位忠心親愛嘅兄弟阿尼西母;佢係你哋處嘅人。佢哋兩人會將呢處一切嘅事話你哋知。

10 同我一齊坐監嘅亞里達古向你哋問安。巴拿巴嘅表弟馬可亦問候你哋。(關於馬可,我已經吩咐過;若佢去你哋處,請接待佢。)

11 別稱猶士都嘅耶數亦向你哋問安。喺猶太人嘅信徒中,只有呢三位為上帝嘅工作和我同工,對我有好大嘅幫助。

12 由你哋處嚟嘅以巴弗問候你哋;佢亦係基督耶穌嘅僕人。佢常時為你哋懇切禱告,求上帝使你哋嘅信心堅定,做成熟嘅基督徒,完任順服佢嘅旨意。

13 佢為你哋,亦為老底嘉同希拉波立嘅兄弟辛苦工作;呢啲係我個人可以作證嘅。

14 我哋親愛嘅路加醫生同底馬兩人亦問候你哋。

15 請代我哋向老底嘉嘅兄弟、寧法氏,同喺佢家中嘅教會問安。

16 你哋宣講呢封信後,請轉交俾老底嘉教會宣讀;同時,你哋亦要宣讀由老底嘉教會轉俾你哋嘅信。

17 要話俾亞基布知,佢所領受嗰啲事奉主嘅職務必要盡力完成。

18 我保羅親筆問你哋安!唔好忘記我嘅綑綁!願上帝賜俾你哋。