歌羅西書 3
1 你哋已經同基督一齊復生,就當追求天上嘅事;喺嗰處,基督坐喺上帝右邊嘅寶座。
2 你哋要專心喺天上嘅事,而唔係地上嘅事。
3 因為你哋已經同基督一齊死,你哋嘅生命同佢一齊藏喺上帝裏。
4 基督係你哋嘅真生命;當佢顯現時,你哋亦要同佢一齊顯現,分享佢嘅榮耀。
舊嘅同新嘅生命5 所以,你哋必要治死喺你哋身上屬世嘅慾望,即係淫亂、污穢、邪情、惡慾,同貪心(貪心係一種偶像崇拜)。
6 由呢啲事,上帝嘅義憤就嚟到嗰啲唔順從佢嘅人。
7 你哋從前亦曾生活喺呢一類嘅慾望中,受佢哋嘅支配。
8 但係,現今你哋必要斷絕此事:唔可以再有忿怒、暴戾,同仇恨;唔好講詆譭、污穢嘅話。
9 唔好彼此斯騙,因為你哋已經脫去舊我同舊習慣,
10 換上新我。呢個新我,由創造主上帝照自己嘅形像不停更新,至完全認識佢。
11 在此再不分希利尼人猶太人;受割禮嘅、唔受割禮嘅,野蠻嘅、未開化嘅,奴隸或自由人等。基督就係一切,亦貫徹一切。
12 上帝愛你哋,揀選你哋做佢嘅子民。所以,你哋要有憐憫、慈愛、謙遜、溫柔,同忍耐嘅心。
13 有糾紛時要互相寬容,彼此饒恕;主點樣饒恕你哋,你哋亦要點樣饒恕人。
14 在此一切,重要加上愛,因為愛係聯繫一切德行嘅關鍵。
15 基督所賜嘅和平喺你哋心裏作主;為使你哋得此和平,上帝選召你哋,歸於一體。更要存感謝嘅心。
16 使基督嘅信息豐富長駐喺你哋心裏。用各樣嘅智慧互相教導,用詩篇、聖詩、靈歌,由心裏發出多謝嘅聲音嚟頌讚上帝。
17 無論做乜嘢,講乜嘢,你哋都要奉主耶穌嘅名感謝父上帝。
新嘅人際關係18 做妻嘅,要服從丈夫,因為呢啲係基督徒嘅本份。
19 做丈夫嘅,要愛妻,唔好虐待佢哋。
20 做仔女嘅,要凡事聽從父母;因為呢啲係基督徒嘅本份,係上帝所喜歡嘅。
21 做父母嘅,唔好激惱仔女,免致佢哋灰心喪志。
22 做奴僕嘅,要凡事聽從世上嘅主人。你哋所做嘅唔單只做俾主人睇,討佢哋嘅喜歡,而係出於真誠,因為你哋敬畏主。
23 無論做乜嘢,都要專心一意,好似係為主做,唔係為人做。
24 要知主會賞賜你;你將得到佢為佢嘅子民所保存嘅。你哋事奉嘅係主基督。
25 但係作惡嘅,無論係邊個,都要受應得嘅報應,因為上帝用一樣嘅標準對待每個人。