提摩太前書 1
1 我保羅;奉我哋嘅救主上帝同我哋盼望嘅基督耶穌嘅命令,做基督耶穌嘅使徒。
2 我寫信俾你-提摩太,我喺信仰上嘅真子:願父上帝同我哋嘅主基督耶穌賜恩典、憐憫、平安俾你。
3 我希望你留喺以弗所;因我去馬基頓時曾吩咐你。必要命令嗰啲喺處傳唔正確教義嘅停止傳異教。
責備錯誤嘅教訓4 叫佢哋放棄荒唐嘅傳說同無窮嘅族譜;因為呢啲只會引起爭論,不能幫助了解上帝嘅計劃。上帝嘅計劃係透過信心致能了解嘅。
5 此命令嘅目的係要激發愛;即係從純潔嘅心、清白嘅良知,同真純嘅信心產生出嚟嘅。
6 有人離棄呢啲,迷失喺虛無嘅講論裏。
7 佢哋想做上帝律法嘅導師,但連自己講嘅話都唔明白,自己肯定主張嘅事都唔清楚。
8 我哋知道,只要人能適當使用律法,律法原係好嘅。
9 我哋要了解:律法唔係為好人制定嘅,而係為嗰啲不法、唔受管束、唔敬虔、犯罪、藐視宗教、貪戀世俗、弒父殺母、謀殺
10 淫亂、男同性戀、拐騙、講大話、作假見證、違反正確教義一類嘅人。
11 此正確嘅教義係根據福音,係嗰位榮耀、可稱頌嘅上帝所交託我宣講嘅。
感謝上帝嘅憐憫12 我感謝我哋嘅主基督耶穌;因為佢賜我力量,信任我,指派我嚟事奉佢。
13 雖然我以前詆毀佢,逼迫侮辱佢;但上帝憐憫我;因為嗰時我唔信佢,亦唔知我做啲乜嘢。
14 我哋嘅主賜俾我格外嘅恩典,使我有信心同愛心,呢啲係因與基督耶穌連結而有嘅。
15 「基督耶穌降世嘅目的係拯救罪人」呢句話係可信、值得完全接受嘅。我係罪人中最壞嘅一個,
16 但係呢啲正係上帝憐憫我嘅原因,使基督耶穌對我呢個罪人中最壞嘅一個顯示佢充分嘅忍耐,使我能做以後要信佢、接受永生嘅人嘅榜樣。
17 願尊貴、榮耀永遠歸俾萬世嘅君王-嗰位唔朽壞、睇唔見、獨一無二嘅上帝!阿們。
18 我仔提摩太呀!根據以前有關你嘅預言,我將此命令託付你。此話要作為你上陣打美好仗嘅武器。
19 要持守信仰同清白嘅良知。有人唔聽從自己嘅良知,就喪失佢哋嘅信仰,
20 其中有許多米乃同亞力山大;我已經將佢哋交在撒但嘅手裏,使佢哋學習唔再講毀謗上帝嘅話。