提摩太前書 5
對信徒嘅責任1 唔好斥責老年人;要勸佢好似勸自己嘅父親一樣。待年輕人要好似待兄弟一樣;
2 待年老婦人要好似待母親一樣;待年輕婦人要有純潔嘅心,好似待姊妹一樣。
3 要尊敬真守寡嘅婦女。
4 寡婦若有仔女或孫,呢啲後輩要先學習點樣喺家中盡孝道,嚟報答父母同祖父母,因為呢啲係上帝所悅納嘅。
5 真守寡嘅婦女無依無靠,只係仰望上帝,日夜禱告,祈求佢嘅幫助。
6 至於淨係想享樂嘅寡婦,雖然生存,其實已經死。
7 你要噉樣教導佢哋,免致佢哋俾人批評。
8 若有人唔照顧親戚,尤其係自己家中嘅人,佢就係背棄信仰,比唔信嘅人更壞。
9 關於寡婦登記,六十歲以上嘅致可登記;佢哋只可結過一次婚,
10 而且必要有好名譽,善於養育仔女,接待旅客,洗聖徒嘅腳,扶難濟急,盡力做各樣善事。
11 至於年輕嘅寡婦,不必登記;因為佢哋性慾衝動,就想再嫁,離棄基督,
12 違背當初所許嘅願,因而被定罪。
13 佢哋又學會浪費時間,過家閑遊。更差嘅係,佢哋說長道短、好管閒事,講啲唔應該講嘅話。
14 所以,我寧願年輕嘅寡婦再嫁,生兒育女,照顧自己嘅家,使敵對我哋嘅人冇攻擊嘅機會。
15 因為已經有寡婦改變初衷,轉去隨從撒但。
16 信主嘅婦女家中若有寡婦,佢要照顧佢哋,唔好將負擔推俾教會;噉樣,等教會能照顧嗰啲無依無靠嘅寡婦。
17 善於領導嘅長老,尤其喺講道同教導上特別努力嘅,應該得到加倍嘅酬報。
18 因為聖經話:「牛踹穀時,唔好笠住佢嘅嘴」;又話:「工人應該得工錢。」
19 若有控告長老嘅事,除非有兩個或三個證人,就唔使理。
20 要公開責備所有犯罪嘅人,等其他嘅人有所警愓。
21 我喺上帝、基督耶穌,同聖天使前,鄭重吩咐你遵守呢啲教訓,唔好喺任何事上有成見或偏心。
22 唔好隨便同人按手禮;唔好捲入人哋嘅罪行;要保守自己純潔。
23 因你你嘅身體經常有病,唔好淨係飲水,可以飲些少酒嚟幫助消化。
24 有人嘅罪係顯而易見;佢哋早已受審判。亦有人嘅罪係後來致顯露出嚟嘅。
25 同樣,好行為係顯而易見,即使唔明顯亦唔可以隱藏。