雅各書 5
警告有錢嘅人1 你哋有錢嘅人,聽我講!你哋要為嗰啲就嚟到嘅災難痛哭哀號!
2 你哋嘅財富喪失,衫俾蟲蛀。
3 你哋嘅金錢生銹;呢啲要作為控告你哋嘅根據,又好似火一樣吞滅你哋嘅身體。喺世界嘅末期,你哋只知道積蓄財物。
4 你哋剝削喺田替你哋做工嘅工人,虧欠佢哋嘅人工,佢哋控訴你哋!收割工人嘅呼聲已經達到主萬軍統帥嘅耳。
5 你哋喺世上奢侈享樂,將自己養肥,等待屠宰嘅日子。
6 你哋定無辜人嘅罪,殺害佢哋;佢哋亦冇抵抗。
忍耐同禱告7 兄弟呀,你哋要忍耐,等到主再來。睇吓農夫幾耐心等田裏寶貴嘅出産,耐心盼望春雨秋雨。
8 你哋亦要忍耐。抱住堅定嘅希望,因為主再來嘅日快到。
9 兄弟呀,唔好互相埋怨,免致上帝審判你哋。審判嘅主快要嚟,就喺門口喇。
10 兄弟呀,要記得奉主名講道嘅先知,學習佢哋受苦同忍耐嘅榜樣。
11 因為佢哋忍耐到底,我哋認為佢哋係有福嘅。你哋聽見過約伯嘅忍耐,亦知道主後來點樣照僱佢,因為主充滿憐憫同慈愛。
12 我嘅兄弟呀,最重要嘅係:唔好發誓,唔好指天,指地,或指任何嘅嘢發誓。係,就話係;唔係,就話唔係。噉樣,你哋就不至於受上帝嘅審判。
13 你哋中有遭遇痛苦嘅,應該禱告;有喜樂嘅,應該歌頌;
14 有病嘅,應該請教會嘅長老替佢禱告,奉主名替佢搽油。
15 噉樣嘅禱告若係出於信心,就能醫好病人;主會恢復佢嘅健康;病人犯嘅罪會得到赦免。
16 你哋要互相認罪,彼此代禱,使你哋得到醫治。義人嘅禱告有好大嘅功效。
17 以利亞同我哋同樣係人;佢懇切禱告,求上帝唔落雨,果然三年半冇落雨。
18 佢再禱告,天就落大雨,大地生産五穀。
19 我嘅兄弟呀,你哋中若有迷失而離開真理嘅人,有人將佢挽回,
20 你哋要知道:使迷失嘅罪人回轉嘅,就係將罪人嘅靈魂從死裏搶救返嚟,並使好多罪得到赦免。