Library · yue

雅各書 4

唔好同世界為友

1 你哋中嘅衝突同爭吵係邊處嚟嘅呢?係從你哋中戰鬥嘅慾望嚟嘅!

2 你哋貪戀,但得唔到就想殺人;你哋野心勃勃,得唔到滿足就爭吵。你哋得唔到所要嘅,係因為你哋冇向上帝求。

3 你哋求仍然得唔到,係因為你哋嘅動機唔好;你哋所求嘅不過係想揮霍享樂。

4 你哋呢班唔忠信嘅人!唔通唔知同世界做朋友就係敵對上帝咩?邊個要同世界做朋友,就係上帝嘅敵人!

5 聖經話:上帝安置喺我哋裏嘅靈有妒忌嘅愛咩?你哋以為呢句話冇意思咩?

6 上帝所賜嘅恩典係令人更堅強,好似聖經話:「上帝敵對驕傲嘅人,賜恩典俾謙卑嘅人。」

7 所以,你哋要順服上帝;抗拒魔鬼,魔鬼就會逃避。

8 你哋親近上帝,上帝就親近你哋。有罪嘅人呀,要潔淨你哋嘅手;假冒為善嘅人呀,要潔淨你哋嘅心!

9 你哋要悲傷,哀慟,哭泣;將歡笑變為哀哭,喜樂變為悲愁!

10 要喺主前謙卑,佢就提升你哋。

唔好論斷兄弟

11 兄弟呀,唔好互相批評。邊個批評或論斷兄弟就係批評同論斷律法。若你論斷律法,就唔係服從律法,而係論斷佢。

12 只有上帝係立法者、審判者;只有佢能拯救,能毀滅。你係邊個,竟敢論斷你嘅鄰舍!

唔好自誇

13 有人話:「今日或明日,我哋去某城,喺嗰處往一年,做生意,賺大錢。」但係,聽我講,

14 你哋連明日能唔能生存都唔知!你哋不過好似一層霧,出現一陣就唔見。

15 你哋應該話:「若主允准,我哋就可以生存,做呢件事,做嗰件事。」

16 但,你哋竟然驕傲自大;噉樣嘅驕傲係唔啱嘅。

17 所以,知道應該行善而唔去行嘅就係罪。