彼得前書 5
上帝嘅羊羣1 我以長老嘅身分向各位同做長老嘅提出請求。我係見證基督受苦嘅人,要分享將來顯示嘅榮耀。我請求你哋,
2 要牧養上帝託付你地嘅羊羣,甘心樂意照上帝嘅旨意照顧佢哋,唔係出於勉強;亦唔係為酬報而工作,而係自動自發嘅服事。
3 唔好管制你哋所牧養嘅羊羣,乃係要做羊羣嘅榜樣。
4 噉樣,當嗰位大牧人嚟時,你哋就會領受永遠都唔失去光彩嘅冠冕。
5 同樣,你哋年輕人應該服從長輩。眾人要以謙卑束腰,彼此服事;因為聖經話:「上帝敵對驕傲嘅人,賜恩典俾謙卑嘅人。」
6 所以,你哋要喺上帝大能嘅手下謙卑,噉樣,佢會喺適當嘅時機提升你哋。
7 要將一切憂慮交俾佢,因為佢關心你哋。
8 要警醒戒備!你哋嘅仇敵─魔鬼好似咆哮嘅獅走嚟走去,搵可以吞食嘅人。
9 你哋要信心堅定,抗拒佢,因為你哋知道全世界嘅信徒亦經歷同樣嘅苦難。
10 你哋受短暫嘅苦難以後,嗰位賜一切恩典嘅上帝,即係在基督呼召你哋分享佢永遠榮耀嘅上帝,必親自成全你哋,堅定你哋,賜力量俾你哋。
11 願權能歸俾佢,直到永遠! 阿們
最後嘅問安12 我寫呢封短信係託我忠誠嘅兄弟西拉轉交你哋,勸你哋,並且見證呢啲係上帝真嘅恩典。你哋要喺此恩典上堅立不移。
13 同你哋一齊得到揀選嘅巴比倫教會向你哋問安;我嘅仔馬可亦問候你哋!
14 你哋要用愛心彼此親吻問安。願你哋每個屬基督嘅人都得平安!